وسى ورايدا ءاربىر ءوندىرۋشى, وتاندىق نەمەسە شەتەلدىك ەكەندىگىنە قاراماستان, ءدارى قاپتاماسىنا تاڭبالاۋ كودىن الدىن الا ەنگىزەدى. قر زاڭناماسى تاڭبالاۋعا قاتىساتىن رەزيدەنت ەمەس كومپانيالارعا قازاقستانعا كەلمەي-اق, ءوز ەلىندە جسن الۋ مۇمكىندىگىن قاراستىرادى. سونىمەن قاتار كومپانيا باسشىسىنىڭ سەنىمحاتى نەگىزىندە بسن راسىمدەۋ مۇمكىندىگى دە بار.
جسن نەگىزىندە شەتەلدىك وندىرۋشىگە ەتسق بەرىلەدى. دارىلىك زاتتاردى تاڭبالاۋ جوباسىنىڭ جەتەكشىسى انار كارىباەۆانىڭ ايتۋىنشا, بۇل شەتەلدىك كومپانيالارعا بىرىڭعاي تاڭبالاۋ جانە قاداعالاۋ وپەراتورىنىڭ اقپاراتتىق جۇيەسىندە وتاندىق وندىرۋشىلەرمەن تەڭ دارەجەدە جۇمىس ىستەۋگە مۇمكىندىك بەرەدى.
«جۇيەگە قوسىلعاننان كەيىن شەتەلدىك وندىرۋشىلەر تاڭبالاۋ كودتارىن تاپسىرىس بەرىپ, ولاردى ءدارى-دارمەك قاپتاماسىنا وندىرىستىك كەزەڭدە ەنگىزىپ, قازاقستانعا دايىن, ياعني تاڭبالانعان كۇيدە ەكسپورتتايدى. سونىمەن قاتار, زاڭنامادا شەتەلدەن كەلگەن ءدارى-دارمەكتەردى قازاقستان اۋماعىندا تاڭبالاۋ مۇمكىندىگى دە قاراستىرىلعان. بۇل جاعدايدا قاپتامالار تاڭبالاۋدى بارلىق تالاپتاردى ساقتاي وتىرىپ, وتاندىق ديستريبيۋتورلار جۇزەگە اسىرادى», دەدى انار كارىباەۆا.
ەستەرىڭىزگە سالا كەتەيىك, دارىلىك زاتتاردى مىندەتتى تاڭبالاۋ جۇيەسى قازاقستان رەسپۋبليكاسىندا 2024 جىلعى 1 شىلدەدەن باستاپ قولدانىسقا ەنگىزىلدى. بۇل شارا نارىقتىڭ اشىقتىعىن ارتتىرۋعا, جالعان دارىلەرمەن كۇرەسۋگە جانە ازاماتتاردىڭ دەنساۋلىعىن قورعاۋعا باعىتتالعان.
