فوتو: KAZ Minerals
2024 جىلى پايدالانۋعا بەرىلگەن زاماناۋي ءبىلىم ورداسى 1800 وقۋشىعا ارنالعان. جوبانىڭ جالپى قۇنى شامامەن 10 ميلليارد تەڭگەنى قۇراعان. مەكتەپ ءبىر جىلدىڭ ىشىندە سالىنعان.
«بۇل – ادامي كاپيتالدى دامىتۋعا باعىتتالعان ستراتەگيامىزداعى ماڭىزدى كەزەڭ. ءبىز كوپ جىلدان بەرى ءبىلىم بەرۋ سالاسىن قولداپ كەلەمىز: تاجىريبە الماسۋدان باستاپ قايتا دايارلاۋ مەن مەكتەپتەردى جابدىقتاۋعا دەيىن. بۇل ليتسەي جالپى ءبىلىم بەرۋ دەڭگەيىن قامتيدى», دەدى KAZ Minerals Management جشس باسقارما توراعاسى ەلدار مامەدوۆ.
مەكتەپ بۇرىن وقۋ ورنى بولماعان اۋداندا بوي كوتەرگەن. جاڭا نىسان ينكليۋزيۆتىلىك قاعيداتتارىن ەسكەرىپ, وقۋشىلارعا بارىنشا قولايلى جاعداي جاسالعان.
ء«بىز تولىق جابدىقتالعان, زاماناۋي دامۋ كەڭىستىگىن قۇردىق. بۇل – بالالاردىڭ بولاشاعىنا, جالپى ايماقتاعى ءومىر ساپاسىنا قوسقان ناقتى ۇلەس. وسىنداي ماراپات الۋ – ۇلكەن مارتەبە», دەدى مامەدوۆ.
جاڭا مەكتەپتە 48 وقۋ كابينەتى, سونىڭ ىشىندە ينفورماتيكا, مۋلتيمەديا سىنىپتارى, زەرتحانالار, شەبەرحانالار, اسپازدىق پەن ەڭبەك كابينەتتەرى بار.
سونىمەن قاتار, KAZ Minerals كومپانياسى «جىلدىڭ شاحتەرى» جانە «جىلدىڭ تالىمگەرى» نوميناتسيالارى بويىنشا دا ماراپاتتالعان.
