ەلەكتروندىق كاتالوگ قۇرامىنا 1934 جىلدان بەرگى قوستاناي جانە اقتوبە وبلىستارىنداعى 898 گەولوگيالىق ەسەپ ەنگىزىلگەن. بۇل قۇجاتتار تسيفرلاندىرىلىپ, گەوگرافيالىق بايلانىس پەن ىڭعايلى ىزدەۋ جۇيەسى ارقىلى تولىقتىرىلدى, بۇل ءوز كەزەگىندە ولاردىڭ تالداۋىن جانە پراكتيكالىق قولدانىلۋىن ەداۋىر جەڭىلدەتەدى. كاتالوگتا ۆەكتورلىق گەولوگيالىق كارتالار دا بار, ولاردى زاماناۋي گەواقپاراتتىق جۇيەلەردە ءتيىمدى پايدالانۋعا بولادى.
«اتالعان ءارحيۆتى تاپسىرۋ — ERG كومپانياسىنىڭ ەلدەگى سالانى تسيفرلاندىرۋعا قوسقان ۇلەسى. ەندى گەولوگيالىق مالىمەتتەر مەملەكەتكە, عىلىمعا جانە بارلىق مۇددەلى تاراپتارعا قولجەتىمدى. بۇل جوبانى تابىستى ارىپتەستىكتىڭ ۇلگىسى دەپ باعالايمىز جانە بولاشاقتا دا ىنتىماقتاستىققا اشىقپىز», دەدى قر وقم گەولوگيا كوميتەتىنىڭ توراعاسى ەرلان اقباروۆ.
كاتالوگ گەولوگيالىق بارلاۋ ساپاسىن ارتتىرۋعا, جەر قويناۋىن پايدالانۋدا نەگىزدەلگەن شەشىمدەر قابىلداۋعا, ءبىلىم بەرۋ مەن عىلىمي جوبالاردى قولداۋعا جانە قازاقستاننىڭ ينۆەستيتسيالىق تارتىمدىلىعىن ارتتىرۋعا باعىتتالعان.
