فوتو: اشىق دەرەككوز
ۆەدومستۆو تاراتقان مالىمەتكە سايكەس, قورەكتىك زاتتار ءپروفيلىن انىقتاۋ – بۇل قۇرامىندا ارتىق قانت, تۇز جانە ترانسمايلار بار وڭدەلگەن ازىق-ت ۇلىكتەردى جۇيەلەۋ مەن جىكتەۋدىڭ ءادىسى. مۇنداي ءتاسىل حالىق, اسىرەسە بالالار اراسىندا اۋرۋلاردىڭ الدىن الۋعا باعىتتالعان.
«ازىق-ت ۇلىك ونىمدەرىنىڭ ماركەتينگى سەمىزدىككە اكەلەتىن ورتا قالىپتاستىراتىن ماڭىزدى فاكتور بولىپ تابىلادى. ول دۇرىس ەمەس تاماقتانۋ داعدىلارىن ناسيحاتتاپ, تۇتىنۋشىلاردىڭ تالعامىنا اسەر ەتەدى. بالالار مەن جاسوسپىرىمدەر ءجيى فاستفۋد, ءتاتتى سۋسىندار, كونديتەرلىك ونىمدەر جانە دايىن تاڭعى استار سياقتى ماي, قانت جانە تۇزى كوپ ونىمدەردى جارنامالاۋشى كومپانيالاردىڭ نىساناسىنا اينالادى», دەلىنگەن كوميتەت حابارلاماسىندا.
دۇنيەجۇزىلىك دەنساۋلىق ساقتاۋ ۇيىمى (ددسۇ) ازىق-ت ۇلىك ونىمدەرىنىڭ بالالارعا باعىتتالعان ماركەتينگىنىڭ زياندى اسەرىن مويىنداپ, زياندى تاعامدار مەن الكوگولسىز سۋسىندارعا قاتىستى جارناماعا شەكتەۋ قويۋ بويىنشا ۇسىنىمدار ازىرلەگەن. وسى ۇسىنىمدارعا سۇيەنە وتىرىپ, قر دەنساۋلىق ساقتاۋ مينيسترلىگى 2025–2026 جىلدارعا ارنالعان «دۇرىس تاماقتانۋدى ىلگەرىلەتۋ» جول كارتاسىنا سايكەس ناقتى شارالاردى ىسكە اسىرۋدى باستاعان.
«قورەكتىك زاتتار ءپروفيلىن ازىرلەۋ ارقىلى قۇرامىندا قانىققان مايلار, ترانسماي قىشقىلدارى, بوس قانتتار مەن تۇز مولشەرى جوعارى ونىمدەردىڭ ماركەتينگىنىڭ اۋقىمى مەن سيپاتىن باقىلاۋعا جانە باعالاۋعا مۇمكىندىك تۋادى. بۇدان ءارى ونداي جارنامانى شەكتەۋ شارالارى قولعا الىنادى», دەلىنگەن حابارلامادا.
