فوتو: gov.kz
جارمەڭكە نۇرعيسا تىلەنديەۆ داڭعىلى, 12ا مەكەنجايىندا ورنالاسقان «Koktal» ساۋدا-ويىن-ساۋىق ورتالىعىنىڭ اۋماعىندا وتەدى. ساۋدا-ساتتىق ساعات 09:00-دەن 19:00-گە دەيىن جۇرگىزىلەدى.
ءىس-شارا بارىسىندا قالا تۇرعىندارى مەن قوناقتارىنا كەلەسى تاۋارلار ۇسىنىلادى:
جاڭا جينالعان كوكونىستەر مەن جەمىس-جيدەك;
ەت جانە ءسۇت ونىمدەرى;
ۇن جانە نان-توقاش ونىمدەرى;
تابيعي شىرىندار, توساپتار, دجەمدەر;
تاعى دا باسقا وڭىرلىك ونىمدەر.
جارمەڭكەگە جەرگىلىكتى فەرمەرلەرمەن قاتار قازاقستاننىڭ ءتۇرلى وڭىرلەرىنەن كەلگەن وندىرۋشىلەر قاتىسادى. بۇل تۇرعىندارعا ساپالى ءارى قولجەتىمدى باعاداعى ونىمدەردى ساتىپ الۋعا مۇمكىندىك بەرەدى.
كەلۋشىلەرگە ىڭعايلى بولۋى ءۇشىن ءىس-شارا وتەتىن ورىنعا №2, 32, 49, 50 جانە 73 باعىتىنداعى اۆتوبۋستار قاتىنايدى.
سونداي-اق, استانادا تۇراقتى اۋىل شارۋاشىلىعى جارمەڭكەسى دە جۇمىس ىستەيدى. ول بەيبارىس سۇلتان كوشەسى, 23 مەكەنجايىندا («ريو-دە-جانەيرو» تك قارسى بەتىندە) ورنالاسقان جانە كۇن سايىن ساعات 09:00-دەن 19:00-گە دەيىن اشىق.
الينا قايراتقىزى, ەۇۋ ستۋدەنتى
