فوتو: اشىق دەرەككوز
جۇمابەك قالدىباەۆ 15 جىل تاجىريبەسى بار كرانشى مامان. مارقۇمنىڭ جيەنى ماقسات جيەنبەكوۆتىڭ ايتۋىنشا, ونىڭ ارتىندا ايەلى مەن ەكى بالاسى قالعان. تۋىستارى وقيعاعا قاتىستى تولىق اقپارات الۋعا تىرىسقانىمەن قۇرىلىس كومپانياسىنىڭ باسشىلىعى ولاردىڭ سۇراقتارىنا جاۋاپ بەرمەي وتىر.
«كەشە كەشكى ساعات 18:30-دا بوستاندىق اۋدانىنىڭ ءىىب بىزگە اعامنىڭ قۇرىلىس الاڭىندا قايتىس بولعانىن حابارلادى. كران قۇلادى, بىراق ەشكىم ناقتى نە بولعانىن ايتپايدى. ءبىز بۇگىن قۇرىلىس الاڭىنا بارماقشى بولدىق, بىراق كىرگىزبەدى. باسقارۋشى ديرەكتورعا قوڭىراۋ شالدىم, ول دا ەشتەڭە ايتپادى. ۇيىم باسشىلىعى بايلانىسقا شىقپادى. ءبىز تەرگەۋدىڭ اشىقتىعىن تالاپ ەتەمىز», دەيدى ماقسات جيەنبەكوۆ.
قازىر قۇرىلىس الاڭى ارنايى مورمەن جابىلعان. تۋىستارىنىڭ مالىمەتىنشە, قايتىس بولعان ادامنىڭ دەنەسى ءالى كۇنگە وتباسى مەن جاقىندارىنا بەرىلمەگەن. كەيبىر اقپارات كوزدەرى بويىنشا, بۇل جەردە تۇرعىن ءۇي كەشەنىنىڭ قۇرىلىسى ءجۇرىپ جاتقان بولاتىن.
الماتى پوليتسيا دەپارتامەنتىنىڭ حابارلاۋىنشا, توتەنشە جاعداي ساعات 16:00-دە بولعان. وقيعا بويىنشا بوستاندىق اۋدانى پوليتسيا ءبولىمى قىلمىستىق ءىس قوزعادى. قازىرگى كەزدە وقيعانىڭ سەبەبى مەن ءمان-جايلارى تولىق زەرتتەلىپ جاتىر.
جانەل تولەۋبەكوۆا, ەۇۋ ستۋدەنتى
