فوتو: pixabay.com
ۇلتتىق بىرىڭعاي تەستىلەۋدىڭ بالا شاقتان بولاشاققا قادام باسىپ جاتقان تۇلەكتەردىڭ ومىرىنە ەنگەلى جيىرما جىلداي بولدى. وسى ارالىقتا ميلليونداعان تۇلەك جوعارى وقۋ ورىندارىنا جولداما الدى. العاشقى ۇبت تاپسىرعان جاس تۇلەكتەر قازىر قامال الار شاققا جەتكەن.
ارداگەر ۇستاز كەڭەسكۇل اياپوۆانىڭ ايتۋىنشا, نەگىزى ۇبت وقۋشىعا اشىلار ۇلكەن مۇمكىندىك. ونى «پسيحولوگيالىق قىسىم» دەپ قابىلداۋ دۇرىس ەمەس. سوندىقتان جوعارى سىنىپ وقۋشىلارىنا ءتۇسىندىرۋ جۇمىستارى دۇرىس جۇرگىزىلۋ كەرەك.
«قازىر مەكتەپتە ءبىتىرۋشى سىنىپتارعا ەمتيحان جۇمىسى الىنىپ جاتىر. ۇلتتىق بىرىڭعاي تەستىلەۋ وقۋشى ءۇشىن اسا ماڭىزدى كەزەڭدەردىڭ ءبىرى. ءار وقۋشى ونى ارمانعا اپارار باسپالداق رەتىندە ءتيىمدى پايدالانۋى ءۇشىن ءبىز, مۇعالىمدەر بارىنشا كۇش سالامىز», دەيدى كەڭەسكۇل ياكياەۆنا.
وسى تۇرعىدا پروفوريەنتولوگ, گرانت ساراپشى اقنيەت وتە ۇبت كوپشىلىك ءۇشىن پسيحولوگيالىق قىسىم مەن اتا-انا ۇمىتىنە جاۋاپ بەرۋدىڭ ازاپتى پروتسەسىنە اينالىپ بارا جاتقانىنا دابىل قاعىپ وتىر.ونىڭ ايتۋىنشا كوپ وقۋشى ەمتيحاننان ەمەس, قوعامنىڭ رەاكتسياسىنان قورقادى.
“مەملەكەتتىك گرانت الا الماسام نە بولادى؟”, “اتا-انامنىڭ سەنىمىن اقتاماسام نە ىستەيمىن؟”, “مەنى ءبارى ۇبت ناتيجەسىنە قاراپ باعالايدى” سەكىلدى سۇراقتار بالانىڭ تەك بىلىمىنە ەمەس, پسيحولوگيالىق تۇراقتىلىعىنا دا سوققى بەرەدى. ۇبت-نى بولاشاقتىڭ باستاماسى ەمەس, ءومىردىڭ سوڭى سياقتى قابىلداپ جاتادى. ءبىز, ەرەسەكتەر وقۋشىنى 16-17 جاسىندا تاڭداۋ جاساۋعا ماجبۇرلەپ, سول تاڭداۋعا بۇكىل ءومىرىن بايلاپ قويامىز. ەگەر ءسىز بالاڭىزدى قولداساڭىز – ول ومىردە ءوز ورنىن مىندەتتى تۇردە تابادى. ال قىسىم كورگەن بالا وزىنە دەگەن سەنىمىن جوعالتىپ, جولىنان اداسۋى مۇمكىن. پروفوريەنتاتسيا – وسى ماقساتتا ەڭ ءتيىمدى قۇرال. ول بالانىڭ قاي ماماندىققا بەيىم ەكەنىن انىقتاپ, ۇبت-نى ماقساتقا جەتۋدىڭ ءبىر جولى رەتىندە قاراستىرۋعا كومەكتەسەدى», دەيدى.
مامانداردىڭ بۇل پىكىرىمەن ۇبت-عا دايىندالىپ جۇرگەن جاس تۇلەكتەر دە كەلىسەدى. وقۋشىعا پسيحولوگيالىق قىسىمنان بولەك ماتەريالدىق تۇرعىدان دا قيىندىق تۋعىزاتىنىن ايتادى.
"ۇبت-عا 10-سىنىپتان باستاپ دايىندالىپ ءجۇرمىن. شىنى كەرەك, «ەگەر تۇسە الماي قالسام, بۇكىل ەڭبەگىم زايا كەتەدى عوي», دەپ تە قورقامىن. بىراق اتا-انام قاي كەزدە دە مەنى قولداۋعا دايىن. سوڭعى كەزدەرى ەشتەڭەگە زاۋقىم سوقپاي ءجۇر. تەست جاتتاۋ مەزى قىلدى. ونلاين كۋرستار وقيمىن دەپ ءبىراز شىعىندالدىم دا. ەندى توككەن تەر مەن كەتكەن ەڭبەكتى اقتاسام دەپ ۇمىتتەنەمىن ", دەيدى قاراعاندى وبلىسىنىڭ تۇلەگى سوۆەت گ ۇلىم.
باستى مىندەت – بالانى سىناققا ەمەس, ومىرگە دايىنداۋ. ۇبت – مۇمكىندىك. ال سول مۇمكىندىكتى پايدالانۋ ءۇشىن ەڭ الدىمەن قولداۋ مەن سەنىم كەرەك. بىراق قاناتى قاتايماعان جاس تۇلەككە بۇدان وزگە كوپتەگەن مۇمكىندىك جولى اشىلاتىنى ءسوزسىز. تەك سونى ءتۇسىنىپ, ءتۇسىندىرىپ, بولاشاققا جەتەلەۋ قاجەت.
داميرا تولەگەن
ەۇۋ ستۋدەنتى
