فوتو: سۋ رەسۋرستارى جانە يرريگاتسيا مينيسترلىگى
سونىمەن قاتار سارىسۋ جانە تالاس اۋداندارىنداعى تابيعي جايىلىمدارعا دا سۋ بارعان.
جەرگىلىكتى ەكوجۇيەنى ساقتاۋ جۇمىستارى سۋارۋ ماۋسىمى باستالماي تۇرىپ جۇرگىزىلگەن. باستاپقىدا وسى ماقساتقا «ويىق» گيدروتورابى ارقىلى 120 ملن تەكشە مەتر سۋ جىبەرۋ جوسپارلانعان ەدى. الايدا ءساۋىر ايىنىڭ ورتاسىنا قاراي ەكولوگيالىق ماقساتتا سۋ جىبەرۋدىڭ جالپى كولەمى 315 ملن تەكشە مەترگە جەتكەن.
30 مامىر كۇنى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ تاپسىرماسى بويىنشا جامبىل وبلىسىنداعى «قازسۋشار» فيليالىنىڭ ماماندارى ارنايى تەكسەرىس جۇرگىزىپ, تالاس وزەنى ارقىلى جىبەرىلگەن سۋدىڭ سارىسۋ جانە تالاس اۋداندارىنا جەتكەنىنە كوز جەتكىزىلگەن.
ءوز كەزەگىندە جەرگىلىكتى تۇرعىندار اتقارىلعان جۇمىس ءۇشىن سۋ رەسۋرستارى جانە يرريگاتسيا مينيسترلىگىنە العىس ءبىلدىرىپ جاتىر.
«بيىل الدىڭعى جىلدارعا قاراعاندا سۋ قارقىندى كەلدى. سۋ نەگىزگى ارنامەن ءوتىپ, جايىلىمدى جەرلەرگە جايىلدى. «قازسۋشارعا» ريزامىز, سونىڭ جۇمىسىنىڭ ناتيجەسىندە سۋ جاقسى كەلدى. وسىنداي كولەمدە سۋ جىل سايىن كەلىپ تۇرادى دەپ ۇمىتتەنەمىز», دەيدى شاعالالى ەلدى مەكەنىنىڭ تۇرعىنى ءوڭلىاشىم دۇيسەنبەكوۆ.
