«Pallas Resources» – ورتالىق ازياداعى بولاشاعى زور مينەرالدىق جۇيەلەردى ىزدەۋ جانە دامىتۋ باعىتىندا جۇمىس ىستەيتىن جەكەمەنشىك بريتاندىق گەولوگيالىق بارلاۋ كومپانياسى. كەزدەسۋ بارىسىندا ۇزاق مەرزىمدى سەرىكتەستىكتىڭ كەلەشەگى ءسوز بولدى. دەنيەل ريكلمان «Pallas Resources/Ivanhoe Mines» كومپانيالارىنىڭ «قازاقمىس» كورپوراتسياسىمەن كەڭ اۋقىمدى گەولوگيالىق بارلاۋ جۇمىستارىن جۇرگىزۋ اياسىندا ىنتىماقتاستىققا مۇددەلى ەكەنىن ءبىلدىرىپ, اتالعان كومپانيانى وڭىردەگى نەگىزگى ءارى تاجىريبەلى سەرىكتەستەردىڭ ءبىرى رەتىندە اتاپ ءوتتى.
تاراپتار ىنتىماقتاستىقتىڭ ەگجەي-تەگجەيىن جانە بىرلەسكەن جوبالاردى ىسكە اسىرۋ ماسەلەلەرىن تالقىلاۋ ءۇشىن بىرنەشە جۇمىس كەزدەسۋىن وتكىزۋگە ۋاعدالاستى. كەلەسى كەزدەسۋ «قازاقمىس» كومپانيالار توبىنىڭ وندىرىستىك نىساندارىندا, سونىڭ ىشىندە جەزقازعان قالاسىنداعى گەولوگيالىق كلاستەردە وتەدى.
جۋىردا «Ivanhoe Mines» پەن «Pallas Resources» قازاقستان اۋماعىندا گەولوگيالىق بارلاۋ جۇمىسىن جۇرگىزۋ ماقساتىندا بىرلەسكەن كاسىپورىن قۇرعان بولاتىن. «قازاقمىس» كومپانيالار توبىندا «Kazakhmys Barlau» جانە «Qazaq Geophysics» مامانداندىرىلعان گەولوگيالىق بارلاۋ قۇرىلىمدارى جۇمىس ىستەپ جاتىر. بۇل كومپانيالار زاماناۋي گەولوگيالىق بارلاۋ جانە جينالعان دەرەكتەردى تالداۋ ادىستەرىن پايدالانا وتىرىپ, قازاقستاننىڭ مينەرالدىق-شيكىزات بازاسىن كەڭەيتۋ ستراتەگياسىن دايەكتى تۇردە جۇزەگە اسىرىپ كەلەدى.
«Ivanhoe Mines» – مىس, نيكەل, پلاتينا جانە وزگە دە مەتالل كەن ورىندارىن بارلاۋ, يگەرۋ جانە وندىرۋگە ماماندانعان حالىقارالىق تاۋ-كەن كومپانياسى. كومپانيا قىزمەتى افريكا مەن سولتۇستىك-ورتالىق ەۋروپانى قامتيدى.
