فوتو: Oqu-agartu ministrligi
14 وبلىس پەن 3 قالادان كەلگەن 27 مىقتى كوماندانىڭ باسىن بىرىكتىرگەن حاكاتونعا كوللەدج ستۋدەنتتەرى مەن تۇلەكتەرى, سونداي-اق اقپاراتتىق تەحنولوگيالار سالاسىنداعى جاس ماماندار قاتىستى.
قاتىسۋشىلار ەكى كۇن بويى ساندىق شەشىمدەردى قۇردى. باعالاۋ – يننوۆاتسيالىلىق, فۋنكتسيونالدىلىق, UX/UI-ديزاين, پراكتيكالىق قولدانۋ جانە باسقا دا ون نەگىزگى كريتەري بويىنشا جۇرگىزىلدى.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ حابارلاۋىنشا «INNOVATION» حاكاتونىنىڭ قورىتىندىسى مىناداي:
1 ورىندى – پاۆلودار قالاسىنىڭ Goodbalalar كومانداسى السا, 2 ورىندى – اقمولا وبلىسى, ششۋچينسك قالاسىنىڭ «بيتىي بايت» جانە الماتى قالاسىنىڭ CyberKumbez كوماندالارى الىپ, 3 ورىندى – پاۆلودار قالاسىنىڭ BlinkXES كومانداسى, باتىس قازاقستان وبلىسى ورال قالاسىنىڭ Aviola كومانداسى جانە الماتى قالاسىنىڭ Caspian Students كومانداسى يەلەندى.
نەگىزگى جۇلدەلەردەن بولەك ارنايى نوميناتسيالار بويىنشا ماراپاتتار تابىستالدى: «ۇزدىك تەحنيكالىق شەشىم» – الماتى وبلىسى قوناەۆ قالاسىنىڭ Warlock كومانداسى, «ديزاين شەبەرلىگى» – الماتى قالاسىنىڭ CreaTeam كومانداسى, «ۇزدىك كوماندالىق ءوزارا ءىس-قيمىل» – استانا قالاسىنىڭ ATV Alliance كومانداسى, «يننوۆاتسيالىق جوبا» – پاۆلودار قالاسىنىڭ DivSync كومانداسى, «ۇزدىك كوماندا جەتەكشىسى» – شىعىس قازاقستان وبلىسى وسكەمەن قالاسىنىڭ Edgerunners كومانداسى, «كرەاتيۆتى شەشىم» – قىزىلوردا قالاسىنىڭ ORDA كومانداسى.
جۇلدە قورى 3,5 ميلليون تەڭگەنى قۇراپ, بارلىق قاتىسۋشىلار, تالىمگەرلەر مەن كوماندا جەتەكشىلەرى سەرتيفيكاتتار جانە اقشالاي سىيلىقتار الدى.
