بۇگىندە بالالارى بار 2 ملن-عا جۋىق وتباسى ءتۇرلى جاردەماقىلار مەن تولەمدەر الادى. بيىل وسى ماقساتتا رەسپۋبليكالىق بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان 1,7 ترلن تەڭگەدەن استام قارجى ءبولىندى. ونىڭ ىشىندە رەسپۋبليكالىق بيۋدجەتتەن 870,7 ملرد تەڭگە جانە مەملەكەتتىك الەۋمەتتىك ساقتاندىرۋ قورىنان (ماسق) 855,9 ملرد تەڭگە. 2025 جىلى جاردەماقى مولشەرى 6,5%-عا ارتقان.
قولداۋدىڭ نەگىزگى باعىتتارىنىڭ ىشىندە بالا تۋىلعان كەزدە كەزەكتىلىگىنە قاراي 149 416 تەڭگەدەن (38 اەك) 247 716 تەڭگەگە (63 اەك) دەيىنگى بىرجولعى جاردەماقى بار. وسى جىلدىڭ العاشقى ءتورت ايىندا تولەم 21,1 ملرد تەڭگە سوماسىنا 117 مىڭ ازاماتقا بەرىلدى.
سونداي-اق جۇمىس ىستەمەيتىن ايەلدەر ءۇشىن ءبىر جارىم جاسقا تولعانعا دەيىن بالا كۇتىمى بويىنشا اي سايىنعى جاردەماقى قاراستىرىلعان. جاردەماقىنىڭ بۇل ءتۇرى ەكىنشى, ءۇشىنشى جانە ودان كەيىنگى بالالارعا – 5,76 اەك-تەن (22 648 تەڭگە) 8,90 اەك-كە (34 995 تەڭگە) دەيىن ۇلعايتا وتىرىپ, بالانىڭ تۋ كەزەگىنە بايلانىستى تولەنەدى. 2025 جىلعى 1 مامىرداعى جاعداي بويىنشا جاردەماقى الۋشىلار سانى ورتا ەسەپپەن 123,3 مىڭ ادام, ولارعا 14,4 ملرد تەڭگە تولەندى.
جۇمىس ىستەيتىن ايەلدەر ماسق-دان تولەم الادى. جۇكتىلىك جانە بوسانۋ بويىنشا بىرجولعى جاردەماقىنىڭ ورتاشا مولشەرى 1,6 ملن تەڭگەنى قۇرادى. بۇل تولەمدى 81,8 مىڭ ايەل الدى, جالپى سوماسى – 117,3 ملرد تەڭگەنى قۇرادى. سونداي-اق 1,5 جاسقا دەيىنگى بالا كۇتىمى بويىنشا اي سايىنعى جاردەماقى تولەنەدى. ورتا ەسەپپەن 85 221 تەڭگە. بۇل سوما سوڭعى ەكى جىلداعى ورتاشا ايلىق كىرىستىڭ 40%-ىن قۇرايدى. تولەمنىڭ ورتاشا مولشەرى – 85 221 تەڭگە.
مەملەكەت سونىمەن قاتار بالا كۇتىمى بويىنشا دەمالىستاعى ايەلدەرگە زەينەتاقى جارنالارىن سۋبسيديالايدى, بۇل زەينەتاقى كاپيتالىنىڭ جيناقتالۋىنا ىقپال ەتەدى.
2020 جىلدان باستاپ 4 جانە ودان دا كوپ بىرگە تۇراتىن كامەلەتكە تولماعان بالالارى نەمەسە 23 جاسقا دەيىنگى كۇندىزگى بولىمدە وقيتىن ستۋدەنتتەرى بار كوپبالالى وتباسىلارعا جاردەماقى قاراستىرىلعان. تولەم مولشەرى بالالار سانىنا قاراي سارالاندى: 4 بالا – 63 030 تەڭگە, 5 بالا – 78 798 تەڭگە, 6 بالا – 94 565 تەڭگە, 7 بالا – 110 332 تەڭگە, 8 جانە ودان دا كوپ بالا – ءار بالاعا 15 728 (4 اەك) تەڭگەدەن. جىل باسىنان بەرى كوپبالالى وتباسىلارعا ورتا ەسەپپەن 176 ملرد تەڭگەگە 611,5 مىڭ وتباسى جاردەماقى الدى.
كوپ بالالى انالاردىڭ بەدەلىن كوتەرۋ ءۇشىن ءومىر بويى اي سايىنعى مەملەكەتتىك جاردەماقى تاعايىندالادى. بۇرىن «باتىر انا» اتاعىن العان, ءى, ءىى دارەجەلى «انا داڭقى» وردەنىمەن ماراپاتتالعان, «التىن القا» القالارىمەن ناگرادتالعان كوپ بالالى انالارعا جاردەماقى مولشەرى 29 097 تەڭگەنى (7,4 اەك), «كۇمىس القا» القامەن ماراپاتتالعان كوپ بالالى انالارعا قازىرگى ۋاقىتتا جاردەماقى مولشەرى 25 165 (6,4 اەك) تەڭگەنى قۇرايدى. بۇگىندە 242,0 مىڭ ماراپاتتالعان كوپ بالالى انا جاردەماقى الۋشىلار بولىپ سانالادى, جالپى 25,9 ملرد تەڭگە تولەندى.
سونىمەن قاتار, مەملەكەتتىك بيۋدجەتتەن مۇگەدەك بالا كامەلەتكە تولعانعا دەيىن وعان كۇتىم جاساۋ بويىنشا جاردەماقى تولەنەدى, ونىڭ مولشەرى 74 428 (1,61 ەتكد) تەڭگەنى قۇرايدى. جىل باسىنان بەرى 33,7 ملرد تەڭگە سوماسىنا 111,7 مىڭ ادام الدى.
وتباسىنىڭ ءبىر مۇشەسىنىڭ تابىسى كەدەيلىكتىڭ بەلگىلەنگەن شەگىنەن تومەن وتباسىلار ءۇشىن مەملەكەت اتاۋلى الەۋمەتتىك كومەك كورسەتەدى, ونىڭ شەڭبەرىندە 1 جاستان 6 جاسقا دەيىنگى بالالارعا قوسىمشا تولەم دە جۇزەگە اسىرىلادى. بۇل تولەمنىڭ مولشەرى 1,5 اەك قۇرايدى, بۇل 2025 جىلى ءار بالا ءۇشىن 5 898 تەڭگەگە تەڭ. وسى جىلدىڭ 1 مامىرىنا بۇل تولەم 1,4 ملرد تەڭگە سوماسىنا 74,4 مىڭ بالاعا تاعايىندالدى.
