سەرتيفيكات تابىستاۋ راسىمىنە «عىلىم ورداسى» رمك باس ديرەكتورى ۇلار مۇقاجانوۆ, تۇركيا رەسپۋبليكاسىنىڭ الماتى قالاسىنداعى باس كونسۋلدىعىنىڭ ءبىلىم جونىندەگى اتتاشەسى ايحان كوركماز, كۋرس ۇستازدارى احمەت كارامان مەن يالچىن يۋرداكۋل, سونداي-اق مەكەمە قىزمەتكەرلەرى قاتىست.
كۋرس بيىلعى جىلدىڭ 21 قاڭتارىندا باستالىپ, وعان عىلىم ورداسىنىڭ 31 قىزمەتكەرى قاتىستى. وقۋ ناتيجەسىندە قاتىسۋشىلار تۇرىك ءتىلىنىڭ باستاپقى — ا1 دەڭگەيىن مەڭگەرىپ شىقتى.
باس ديرەكتور ۇلار مۇقاجانوۆ بۇل باستامانىڭ ماڭىزدىلىعىنا توقتالىپ, حالىقارالىق بايلانىستاردى نىعايتۋ, قىزمەتكەرلەردىڭ تىلدىك قۇزىرەتتىلىگىن ارتتىرۋ ارقىلى كاسىبي بىلىكتىلىگىن جەتىلدىرۋ جانە مادەنيارالىق تۇسىنىستىكتى دامىتۋعا باعىتتالعانىن اتاپ ءوتتى.
«عىلىم ورداسى – تەك عىلىمي مۇرانى ساقتاپ, زەرتتەۋمەن شەكتەلمەي, زامان تالابىنا ساي ۇنەمى جاڭارىپ, دامىپ كەلە جاتقان مەكەمە. قىزمەتكەرلەرىمىزدىڭ كاسىبي جانە تىلدىك قۇزىرەتتىلىگىن ارتتىرۋ – باستى باسىمدىقتارىمىزدىڭ ءبىرى. وسى رەتتە ۇجىمنىڭ ءتىل ۇيرەنۋگە دەگەن ىنتاسى مەن دامۋ جولىنداعى تاباندىلىعى قۋانتادى. الداعى ۋاقىتتا دا حالىقارالىق سەرىكتەستىك اياسىندا مۇنداي يگى باستامالاردى جالعاستىرا بەرەمىز, – دەدى ول ءوز سوزىندە.
عىلىم ورداسى قىزمەتكەرلەرىنىڭ كاسىبي جانە تۇلعالىق دامۋىنا ارنالعان تەگىن كۋرستار الداعى ۋاقىتتا دا جالعاسىن تابادى. قازىرگى ۋاقىتتا پارسى ءتىلى كۋرسى وتۋدە, ال جاقىن ارادا اعىلشىن تىلىنەن كۋرس ۇيىمداستىرىلماق. وسىنداي باستامالار ۇيىم قىزمەتكەرلەرىنىڭ الەۋەتىن ارتتىرىپ قانا قويماي, حالىقارالىق عىلىمي جانە مادەني ىنتىماقتاستىقتى نىعايتۋعا دا ۇلكەن سەپتىگىن تيگىزەدى.
الماتى
