بۇل باسىلىمدار «قازاق مۋزىكاتانۋشىلارى» عىلىمي-بيبليوگرافيالىق سەريا اياسىندا جارىق كوردى. تانىستىرىلعان ەڭبەكتەر قاتارىندا قازاقتىڭ بەلگىلى مۋزىكاتانۋشىسى, ونەرتانۋ عىلىمدارىنىڭ كانديداتى, پروفەسسور عافۋرا بەيسەنوۆانىڭ ءومىرى مەن شىعارماشىلىعىنا ارنالعان «تاعىلىمعا تولى عۇمىر: عافۋرا نۇرعاليقىزى بەيسەنوۆا» ەكىنشى كىتاپ جانە دە ونەرتانۋ سالاسىنا ايرىقشا ۇلەس قوسقان مۋزىكا زەرتتەۋشىسى, قازاقستاننىڭ ەڭبەك سىڭىرگەن ونەر قايراتكەرى, كسرو كومپوزيتورلار وداعىنىڭ مۇشەسى, ۇلى وتان سوعىسىنىڭ ارداگەرى جيەنبەك جۇمانباي ۇلى ىءرىسالديننىڭ 100 جىلدىعىنا ارنالعان «ونەردىڭ سىرباز سىنشىسى: جيەنبەك جۇمانباي ۇلى ىرىسالدين» اتتى بەسىنشى كىتاپ بار.
بۇل ەڭبەكتەردە اتالعان تۇلعالاردىڭ عىلىمي مۇراسى, ونەر سالاسىنا قوسقان ۇلەسى مەن ءومىر جولى قامتىلعان.
جيىندى م.اۋەزوۆ اتىنداعى ادەبيەت جانە ونەر ينستيتۋتىنىڭ «مۋزىكاتانۋ» ءبولىمىنىڭ مەڭگەرۋشىسى, ونەرتانۋ عىلىمدارىنىڭ كانديداتى, قاۋىمداستىرىلعان پروفەسسور اينۇر قازتۋعانوۆا اينۇر جۇرگىزىپ, عالىمدار
بۇل كىتاپتاردىڭ ۇلتتىق ونەرتانۋ عىلىمىنا قوسىلعان قۇندى ۇلەس ەكەنىن ايتىپ, وسىنداي باستامالاردىڭ جالعاسىن تابۋى قاجەتتىگىن اتاپ ءوتتى.
ت.جۇرگەنوۆ اتىنداعى قازۇوا ء«داستۇرلى مۋزىكالىق ونەر» كافەدراسىنىڭ دوتسەنتى جايدارگۇل قازىبەكوۆا, قۇرمانعازى اتىنداعى قۇك پروفەسسورى, م.اۋەزوۆ اتىنداعى ادەبيەت جانە ونەر ينستيتۋتىنىڭ جەتەكشى عىلىمي قىزمەتكەرى اقليما وماروۆا, جيەنبەك ىرىسالدين جانە عافۋرا بەيسەنوۆانىڭ قىزدارى – زاۋرە ىرىسالدينا, بايانى رىسالدينا, سونداي-اق باسقا دا تۋعان-تۋىستارى, «مۋزىكاتانۋ» ءبولىمىنىڭ قىزمەتكەرلەرى قاتىسىپ مادەني-عىلىمي كەزدەسۋدىڭ قازاق مۋزىكاتانۋشىلارىنىڭ مۇراسىن كەڭىنەن ناسيحاتتاپ, جاس ۇرپاققا جەتكىزۋگە باعىتتالعان ماڭىزدى قادام ەكەنىن اتاپ ءوتتى.
الماتى
