وسى ماقساتتا تارباعاتاي جانە مارقاكول اۋداندارى اۋماعىنداعى اۆتوجول ۋچاسكەلەرىندە جانۋارلاردىڭ ارنايى ماكەتتەرى ورناتىلدى. مۇنداي ۆيزۋالدى ەسكەرتۋ بەلگىلەرى جۇرگىزۋشىلەرگە جىلدامدىقتى الدىن الا تومەندەتۋگە جانە جانۋارلاردىڭ ءجيى كوشى-قونى بايقالاتىن نەمەسە جول جيەگىندە كەزدەسەتىن ورىنداردا بارىنشا ساق بولۋعا كومەكتەسەدى.
پوليتسەيلەردىڭ ايتۋىنشا, بۇل ماكەتتەردى ورناتۋ – جول-كولىك وقيعالارىنىڭ الدىن الۋعا جانە جول قوزعالىسىنا قاتىسۋشىلار مەن جانۋارلاردىڭ ءومىرىن ساقتاۋعا باعىتتالعان شارا. اۋىلدىق جەرلەردەگى تراسسالاردا جول قاۋىپسىزدىگىن قامتاماسىز ەتۋ – باستى مىندەتتەردىڭ ءبىرى. سەبەبى جول بويىندا جانۋارلاردىڭ كەنەتتەن پايدا بولۋ قاۋپى الدەقايدا جوعارى.
شىعىس قازاقستان وبلىسى پوليتسيا دەپارتامەنتى جۇرگىزۋشىلەردى ەرەكشە ساق بولۋعا, جىلدامدىق رەجيمىن جانە جول بەلگىلەرىن, اسىرەسە ارنايى بەلگىلەنگەن اۋماقتاردا قاتاڭ ساقتاۋعا شاقىرادى.
شىعىس قازاقستان وبلىسى
