سۋرەت: primeminister.kz
وندا بىرلەسكەن جوبالاردى ىسكە اسىرۋ بارىسى, تسيفرلاندىرۋ سالاسىنداعى ىنتىماقتاستىق ءسوز بولىپ, ەكىجاقتى ءوزارا ءىس-قيمىلدىڭ باسىم باعىتتارى قارالدى. تاراپتار ينفراقۇرىلىمدى جاڭعىرتۋ شەڭبەرىندە ىنتىماقتاستىقتى كەڭەيتۋ كەلەشەگى جونىندە پىكىر الماستى.
«قازىرگى ۋاقىتتا پرەزيدەنتىمىزدىڭ تاپسىرماسى بويىنشا ينفراقۇرىلىمدى جاڭعىرتۋ, ونىڭ ىشىندە ەنەرگەتيكالىق جانە كوممۋنالدىق ينفراقۇرىلىمدى جاقسارتۋ بويىنشا بەلسەندى جۇمىس جۇرگىزىلىپ جاتىر. وسىعان بايلانىستى وتكەن جىلى ۇكىمەت «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسىن بەكىتتى. ەنەرگەتيكالىق ينفراقۇرىلىمدى, سۋ قۇبىرى جەلىلەرى مەن سۋمەن جابدىقتاۋ نىساندارىن جاڭعىرتۋ بويىنشا ساراپتاما جانە جاڭا تەحنولوگيالارعا قول جەتكىزۋ بولىگىندە سىزدەرمەن جەمىستى ىنتىماقتاستىق ورناتامىز دەپ ۇمىتتەنەمىز», دەدى ولجاس بەكتەنوۆ.
اتاپ ايتقاندا, بانك يننوۆاتسيالىق تەحنولوگيالاردى قوسا العاندا, جوبالاۋدى وڭتايلاندىرۋ, مينيمالدى وپەراتسيالىق شىعىندارمەن ەكونوميكالىق ينۆەستيتسيالاردى جۇزەگە اسىرۋ جانە ەكولوگيالىق ماسەلەلەردى شەشۋ بويىنشا مەملەكەتتىك ورگانداردىڭ جۇمىسىنا حالىقارالىق وزىق تاجىريبەنى ەنگىزە الادى.
ۇكىمەت باسشىسى ترانسشەكارالىق سۋ جوبالارى اياسىنداعى ءوزارا ءىس-قيمىلدىڭ ماڭىزدىلىعىن اتاپ ءوتتى. سونداي-اق اۆتوجول, تەمىرجول جانە لوگيستيكالىق ينفراقۇرىلىمدى دامىتۋ جونىندەگى اۋقىمدى باعدارلامانى ىسكە اسىرۋعا نازار اۋدارىلدى. بىرلەسكەن جوبالاردى ىسكە اسىرۋعا تارتىلعان وتاندىق كومپانيالاردىڭ ۇلەسىن ارتتىرۋدىڭ ماڭىزدىلىعى دا ايتىلدى.
قازىر ەلىمىز اۆتوموبيل مەن تەمىرجولداردىڭ ۇزىندىعىن ۇلعايتۋدى, ولاردىڭ ساپاسىن, وتكىزۋ قابىلەتىن جانە ەكولوگيالىق تۇراقتىلىعىن ارتتىرۋدى كوزدەپ وتىر. سوندىقتان قاراعاندى – جەزقازعان اۆتوجولى, الماتى اينالما جولى جانە داربازا – ماقتاارال تەمىرجول جەلىسى سياقتى جوبالار بويىنشا بىرلەسكەن جۇمىستارعا ەرەكشە ءمان بەرىلەدى.
تاراپتار ارال تەڭىزىنىڭ سولتۇستىك بولىگىن قالپىنا كەلتىرۋ جوباسىنىڭ ءبىرىنشى كەزەڭىن ىسكە اسىرۋ ناتيجەلەرىنە دە توقتالدى. تسيفرلاندىرۋ جانە جي سالاسىنداعى ىنتىماقتاستىق جايى دا قاراستىرىلدى.
كەزدەسۋ سوڭىندا تاراپتار سەرىكتەستىكتى ودان ءارى كەڭەيتۋگە جانە جاڭا بىرلەسكەن باستامالاردى ىسكە اسىرۋعا دايىن ەكەنىن جەتكىزدى. انتونەللا باسساني دۇنيەجۇزىلىك بانكتىڭ ىنتىماقتاستىقتى ارتتىرۋعا دايىن ەكەنىن جانە قازاقستان جاريالاعان جوبالاردى قولداپ, وسى باعىتتار بويىنشا ودان ءارى جۇمىس ىستەۋگە مۇددەلى ەكەنىن اتاپ ءوتتى. دۇنيەجۇزىلىك بانكتىڭ مالىمەتىنشە, 1992–2024 جىلدار ارالىعىندا ەكى جاقتى ىنتىماقتاستىقتىڭ ناتيجەسىندە 8 ملرد دوللار سوماسىنا 48 جوبا ىسكە اسىرىلدى.
