ونىڭ بارىسىندا تاراپتار ساۋدا-ەكونوميكالىق, ينۆەستيتسيالىق جانە كولىك-ترانزيت سالاسىنداعى ىنتىماقتاستىقتى ودان ءارى كەڭەيتۋ ماسەلەلەرىن تالقىلادى, سونىمەن بىرگە مەملەكەتتىك قارجىنى باسقارۋ باعىتىنداعى ۆەدومستۆوارالىق قاتىناستاردى دامىتۋ مەن ەكىجاقتى ارىپتەستىك شەڭبەرىندەگى باسقا دا ماسەلەلەر تۋرالى پىكىر الىستى.
ءمادي توكەش ۇلىنىڭ ايتۋىنشا, قازاقستان ومان سۇلتاندىعىمەن ءوزارا ءىس-قيمىلدىڭ ستراتەگيالىق سيپاتىن جوعارى باعالايدى جانە ءتيىمدى قارىم-قاتىناستى ودان ءارى نىعايتۋعا دايىن.
كەزدەسۋدىڭ قورىتىندىسى بويىنشا قازاقستان رەسپۋبليكاسىنىڭ ۇكىمەتى مەن ومان سۇلتاندىعىنىڭ ۇكىمەتى اراسىندا تابىس پەن كاپيتالعا سالىناتىن سالىققا بايلانىستى قوسارلانعان سالىقتان ساقتاندىراتىن, سونداي-اق سالىقتان جالتارۋعا جول بەرمەۋ تۋرالى كەلىسىم مەن وسىعان قاتىستى حاتتاماعا قول قويىلدى.
اتالعان كەلىسىم سالىق ىسىندە زاڭنامالىق نەگىزدى قالىپتاستىرۋعا سەپتەسىپ, كىرىستەرگە بايلانىستى قوسارلانعان سالىقتىڭ الدىن الىپ,وسى ارقىلى ەكى مەملەكەتتىڭ اراسىندا تىعىز ەكونوميكالىق بايلانىستى ارتتىرۋعا جول اشادى.
