فوتو: اشىق دەرەككوز
قازاقستاندا جەكە كۋالىكتى ونلاين فورماتتا راسىمدەۋگە مۇمكىندىك بەرەتىن پيلوتتىق جوبا ىسكە قوسىلدى. بۇل تۋرالى ىشكى ىستەر مينيسترلىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ بىرلەسكەن بۇيرىعىندا حابارلاندى.
جوبا مەملەكەتتىك قىزمەت كورسەتۋدى ءتيىمدى ەتۋ ماقساتىندا ازىرلەندى. ەندى ازاماتتار جارامدىلىق مەرزىمى اياقتالعان جەكە كۋالىكتەرىن ەلەكتروندىق ۇكىمەت پورتالى (eGov.kz) نەمەسە eGov Mobile قوسىمشاسى ارقىلى جاڭارتا الادى.
ونلاين راسىمدەۋ ءتارتىبى:
- ەتسق ارقىلى ءوتىنىش بەرۋ: eGov پورتالىندا نەمەسە ءموبيلدى قوسىمشادا ەلەكتروندىق تسيفرلىق قولتاڭبا (ەتسق) ارقىلى ءوتىنىش تولتىرىپ, قول قويۋ قاجەت.
- فوتوسۋرەت جۇكتەۋ: قاجەتتى فورماتتاعى فوتوسۋرەتتى ءتۇسىرىپ, وتىنىشكە تىركەۋ كەرەك.
- مالىمەتتەردى تەكسەرۋ: جۇيە ءوتىنىشتى تىركەگەن سوڭ, دەرەكتەردىڭ دۇرىستىعىن, بۇرىنعى كۋالىكتىڭ مەرزىمىن جانە فوتوسۋرەتتىڭ سايكەستىگىن اۆتوماتتى تۇردە تەكسەرەدى.
- مەملەكەتتىك باجدى تولەۋ: ءوتىنىش قابىلدانعان سوڭ زاڭدا بەلگىلەنگەن مەملەكەتتىك باج تولەنەدى.
- قۇجاتتى الۋ: دايىن جەكە كۋالىكتى حقكو-دان نەمەسە باسقا بەلگىلەنگەن ورىننان الۋعا بولادى.
بۇل تسيفرلاندىرۋ اياسىنداعى جاڭا قىزمەت ازاماتتارعا ۋاقىت ۇنەمدەۋگە جانە قاعازباستىلىقتى ازايتۋعا مۇمكىندىك بەرەدى.
جانەل تولەۋبەكوۆا, ەۇۋ ستۋدەنتى
