فوتو: تۋريزم جانە سپورت مينيسترلىگى
جوسپار 4 نەگىزگى باعىت پەن 28 ناقتى ءىس-شارادان تۇرادى. ونىڭ ىشىندە ماڭىزدى باعىتتاردىڭ ءبىرى – لۋدومانيانىڭ الدىن الۋ.
رەسپۋبليكالىق دەڭگەيدە جۇرگىزىلگەن الەۋمەتتىك زەرتتەۋ بارىسىندا قۇمار ويىندارعا بەيىمدىلىكتىڭ سەبەپتەرى مەن تارالۋ اۋقىمى انىقتالىپ جاتىر. ساۋالناماعا ەلىمىزدىڭ بارلىق وڭىرىنەن 5 998 ازامات قاتىسقان. سونىمەن قاتار ويىن بيزنەسى سالاسىنداعى جانە وعان جاناما قاتىسى بار 20 ساراپشىمەن سۇحباتتار وتكىزىلگەن.
زەرتتەۋ ناتيجەلەرى بويىنشا ەلىمىزدە قۇمار ويىندارعا تاۋەلدى ازاماتتاردىڭ بولجامدى سانى انىقتالدى:
- ليتسەنزياسى بار كازينو مەن ويىن اۆتوماتتارى زالىنا – 459 444 ادام;
- ينتەرنەت-كازينوعا (ەلىمىزدە تىيىم سالىنعان) – 484 055 ادام;
- ليتسەنزياسى بار بۋكمەكەرلىك كەڭسەلەرگە – 456 276 ادام;
- ليتسەنزياسى جوق بۋكمەكەرلىك كەڭسەلەرگە – 494 019 ادام;
- زاڭدى لوتەرەيا ونىمدەرىنە – 491 710 ادام تاۋەلدى.
سونداي-اق, ءبىلىم بەرۋ مەكەمەلەرىندە قىزمەت ەتەتىن 800-دەن استام پەداگوگ پەن پسيحولوگ ءۇشىن ارنايى وقىتۋ ۇيىمداستىرىلىپ, لۋدومانيامەن كۇرەسۋدىڭ نەگىزگى تاسىلدەرى تۇسىندىرىلگەن. 6 000-نان استام مەكتەپ ءوزىنىڭ تاربيە جۇمىسىنىڭ جوسپارىنا قۇمار ويىندار مەن ينتەرنەتكە تاۋەلدىلىكتىڭ الدىن الۋعا ارنالعان ءبولىم ەنگىزگەن.
مەكتەپتەر جانىنان «اتا-انالاردى پەداگوگيكالىق قولداۋ» ورتالىقتارى قۇرىلىپ, 1-11 سىنىپ وقۋشىلارىنىڭ اتا-انالارىنا ارنالعان ارنايى باعدارلاما اياسىندا ايىنا ەكى رەت وتەتىن, جالپى سانى 24 ساباقتان تۇراتىن كۋرس قولعا الىنعان.
قوعامنىڭ ءارتۇرلى توپتارىن قامتيتىن ءتۇسىندىرۋ جانە اعارتۋ شارالارى
قازاقستان مۇسىلماندارى ءدىني باسقارماسى مەن باسقا دا ءدىني بىرلەستىكتەردىڭ قولداۋىمەن قۇمار ويىنداردىڭ زيانى تۋرالى 1 ميلليوننان استام ازاماتتى قامتىعان 4 000-نان استام ءىس-شارا وتكىزىلگەن.
عىلىم جانە جوعارى ءبىلىم مينيسترلىگى جەلىسى بويىنشا 2024 جىلى جاستار اراسىندا سالاماتتى ءومىر سالتىن ناسيحاتتاۋعا باعىتتالعان «سالاماتتى ءومىر سالتى ءۇشىن!» فلەشموبى, دەنساۋلىق فەستيۆالى, ء«بىرىنشى كۋرس ستۋدەنتى» سپارتاكياداسى سياقتى 400-دەن استام ءىس-شارا ۇيىمداستىرىلعان.
قورعانىس مينيسترلىگى تاراپىنان اسكەري بولىمدەر مەن مەكەمەلەردە 38 دوڭگەلەك ۇستەل, 7 كونفەرەنتسيا, 14 جينالىس, 16 919 اسكەري قىزمەتشىمەن جەكە سۇحبات جانە اڭگىمەلەسۋ وتكىزىلگەن.
