جاڭا زاڭعا سايكەس, 2025 جىلدىڭ 24 مامىرىنان باستاپ ساناتىنا قاراماستان, سوڭعى 5 جىلدا اتىندا تۇرعىن ءۇيى جوق ازاماتتار ءۇي كەزەگىنە تۇرۋ مۇمكىندىگىنە يە بولا الادى. سونداي-اق, مەملەكەتتiك تۇرعىن ءۇي قورىنان بەرىلەتىن ۇيلەردى جەكەشەلەندiرۋ تۋرالى قاعيدالارىنا دا بىرقاتار وزگەرىستەر ەنگىزىلگەن. جاڭا وزگەرىستەرگە سايكەس, بىرنەشە ساناتتاعى ازاماتتار مەملەكەتتىك تۇرعىن ءۇي قورىنان وزدەرى تۇراتىن باسپانالاردى ءوز مەنشىگىنە وتەۋسىز الۋعا مۇمكىندىك الىپ وتىر. تۇركىستان قالاسى اكىمىنىڭ ورىنباسارى تالعات تولەگەنوۆتىڭ مالىمدەۋىنشە, وبلىس ورتالىعىندا بيىل 944 پاتەرلى 11 تۇرعىن ءۇيدى پايدالانۋعا بەرۋ جوسپارلانعان. جىل باسىنان بەرى جوسپارعا سايكەس, 4 ءۇيدىڭ قۇرىلىسى اياقتالىپ, 348 پاتەر ءوز يەسىن تاپتى.
سونىمەن قاتار, تۇركىستاندا «وتباسى بانك» ارقىلى كرەديتتىك جۇيەمەن 2025 جىلى جالپى 2082 پاتەردى پايدالانۋعا بەرۋ جوسپارلانىپ وتىر. اتالعان تۇرعىن ۇيلەرگە وتىنىشتەر ءۇي كەزەكتە تۇركىستان وبلىسى بويىنشا تۇرعان بانك سالىمشىلارىنان قابىلدانادى. قازىرگى تاڭدا اتالعان بانك ارقىلى 1 016 پاتەردىڭ شارشى مەترى 180 مىڭ تەڭگەدەن بولسا, 1 066 پاتەردىڭ شارشى مەترى 220 مىڭ تەڭگەگە باعالانىپ وتىر.
تۇركىستان وبلىسى
