«AMANAT مەديا سىيلىعى – 2025» بايقاۋى باستالدى

ايتا كەتەيىك, «AMANAT مەديا سىيلىعى» بۇقارالىق اقپارات قۇرالدارىنىڭ جانرىنا قاراماستان, تاقىرىپتىق باعىتتار بويىنشا تابىستالادى. بيىلعى بايقاۋ مەملەكەت باسشىسى قاسىم-جومارت توقاەۆتىڭ رەفورمالارى, «ەڭبەك ادامى», «جۇمىسشى ماماندىقتارى جىلى», «Taza Qazaqstan», جاستاردىڭ قوعامداعى ءرولى جانە تاعى باسقا نەگىزگى تاقىرىپتاردى قامتيدى.

بايقاۋعا قاتىسۋ ءۇشىن وتىنىمدەر 23 مامىر مەن 17 ماۋسىم ارالىعىندا قابىلدانادى. سالتاناتتى ماراپاتتاۋ ءراسىمى ماۋسىم ايىنىڭ سوڭىندا, بۇقارالىق اقپارات قۇرالدارى قىزمەتكەرلەرى كۇنى قارساڭىندا وتەدى. جەڭىمپازدارعا «AMANAT» مەديا-پرەمياسى, مۇسىنشە جانە اقشالاي سىيلىقتار تابىستالادى.

بايقاۋ جەڭىمپازدارى ەكى باعىت بويىنشا ون اتالىمدا انىقتالادى. 

تاقىرىپتار بويىنشا نوميناتسيالار:

1.   «ەلىمىزدەگى رەفورمالار تۋرالى ۇزدىك ماتەريال»;
2. «ەڭبەك ادامى تۋرالى ۇزدىك ماتەريال»;
3. «جاستار تۋرالى ۇزدىك ماتەريال»;
4. «ايماق تۋرالى ۇزدىك ماتەريال»;
5. «پارتيا جۇمىسى تۋرالى ۇزدىك ماتەريال»;
6. «Taza Qazaqstan» – ەكولوگيا مەن قورشاعان ورتانى ساقتاۋ تۋرالى ۇزدىك ماتەريال;
7. «قر كونستيتۋتسياسىنىڭ 30 جىلدىعى تۋرالى ۇزدىك ماتەريال».

ارنايى سىيلىقتار: 

1. شەرحان مۇرتازا جانە قامال سمايىلوۆ اتىنداعى «تەلەۆيزيا ۇزدىگى» سىيلىعى;
2. «الاش اماناتى» سىيلىعى;
3. «بەلسەندى ازاماتتىق ۇستانىمى ءۇشىن» سىيلىعى.

تولىعىراق اقپاراتتى amanatpartiasy.kz سايتىنان قاراۋعا بولادى. بايلانىس تەلەفوندارى: 8-7172-70-76-25, 8-7172-70-76-28. ەلەكتروندىق پوشتا: media_premiya@amanatpartiasy.kz

قوڭىراۋلار جۇمىس كۇندەرى, 09:00-دەن 13:00-گە دەيىن جانە 14:30-دان 18:30-عا دەيىن قابىلدانادى.