- وبلىستاعى جالپى اۋماعى 9 ملن گەكتاردان استام القاپتا ورنالاسقان 36 اڭشىلىق شارۋاشىلىعىنىڭ جەرىندە 30 مىڭنان استام كيىك جايىلىپ ءجۇر. ولار جىل وتكەن سايىن كوبەيىپ كەلەدى. جانۋارلار باياناۋىل اۋدانىنىڭ قاراعاندى وبلىسىمەن شەكارالاس جەرلەرىن جانە ماي اۋدانىن مەكەندەيدى. كيىكتى اتۋعا رۇقسات جوق. قازىرگى ۋاقىتتا تەك ءسىبىر ەلىگى, قابان, بايباق سۋىرى, اق قويان, سۇر قويان, تۇلكى, قارساق, بورسىق, ۇيرەكتەر مەن قازداردىڭ بارلىق تۇرلەرىنە, سۇر كەكىلىك, قاسقالداق, بودەنە, قۇمسالعىش, كوگەرشىن, قاراقۇيرىقتارعا اڭشىلىق جاساۋعا بولادى,-دەيدى ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى دياس قابدوللا.
اڭشىلىق شارۋاشىلىقتاردىڭ مالىمەتتەرى بويىنشا وڭىردەگى بارلىق جابايى جانۋارلاردىڭ جالپى سانى 833 مىڭنان اسادى. پاۆلودار وبلىسىندا سيرەك كەزدەسەتىن جانە جوعالىپ كەتۋ قاۋپى بار جانۋارلاردىڭ 16 ءتۇرى مەكەندەيدى. ولار – تاۋ ارقارى, ورمان سۋسارى, قارا دەگەلەك, اق باس تىرنا, تازتىرنا, بەزگەلدەك, قاراباس وگىز شاعالا, سۇڭقىلداق اققۋ, بالىقشى تۇيعىن, دالا قىرانى, قاراقۇس, بۇركىت, اقيىق سۋبۇركىت, اق قۇيرىقتى سۋبۇركىت, يتەلگى, ۇكى, سۋسارى. بۇلاردىڭ جالپى سانى 2200-دەن اسادى. ونىڭ شامامەن 771-ءى - ارقار جانۋارى.
پاۆلودار وبلىسى
