فوتو: اشىق دەرەككوز
1991 جىلى قازاقستان ءوز ەگەمەندىگىن جاريالاعانى بەلگىلى.بۇل عاسىرلار بويى ازاتتىقتى اڭساعان حالقىمىزدىڭ ارمانىنىڭ ورىندالۋى ەدى. الايدا تاۋەلسىزدىك تەك دەكلاراتسيامەن شەكتەلمەيدى. ول بەرىك نەگىزگە سۇيەنۋى ءتيىس. مىنە, ءدال سول نەگىز– 1995 جىلى قابىلدانعان قازاقستان رەسپۋبليكاسىنىڭ كونستيتۋتسياسى. اتا زاڭىمىزدا قازاقستان ءوزىن دەموكراتيالىق, زايىرلى, قۇقىقتىق جانە الەۋمەتتىك مەملەكەت دەپ جاريالادى. بۇل ەل دامۋىنداعى جاڭا كەزەڭنىڭ باستاۋى بولدى. كونستيتۋتسيانىڭ ارقاسىندا ادام قۇقىقتارى مەن بوستاندىقتارى ەڭ جوعارى قۇندىلىق رەتىندە تانىلىپ, ءاربىر ازاماتتىڭ ءومىر سۇرۋىنە, ءبىلىم الۋىنا, ەڭبەك ەتۋىنە, ءوز ويىن ەركىن بىلدىرۋىنە زاڭدى كەپىلدىك بەرىلدى. سول سەبەپتى دە اتا زاڭ–ەلدىگىمىزدىڭ ايعاعى. ول تەك قۇقىقتىق قۇجات ەمەس, ول– مەملەكەتتىلىكتىڭ مايەگى. ونىڭ ءار بابى حالقىمىزدىڭ ەركىندىككە جەتۋدەگى كۇرەسىن, بولاشاققا دەگەن ءۇمىتىن, ءادىل قوعام ورناتۋعا دەگەن سەنىمىن بەينەلەيدى.
كونستيتۋتسيا ەل ىشىندەگىتاتۋلىق پەن بىرلىكتىڭ دە كەپىلى. كوپۇلتتى قازاقستاندا بەيبىتشىلىك پەن كەلىسىم ساقتالىپ,ءار ازاماتتىڭ تەڭقۇقىلى بولۋى وسى نەگىزگى زاڭنىڭ ارقاسىندا. ول بىزگە تاڭداۋ ەركىندىگىن, وي-پىكىر ءبىلدىرۋ قۇقىعىن, سەنىم بوستاندىعىن سىيلادى. دەمەك, اتا زاڭ تەك مەملەكەتتى باسقارۋ قۇرالى عانا ەمەس, ءار ازاماتتىڭ قادىر-قاسيەتىن قورعاۋشى قالقان ىسپەتتەس.
بۇگىندە كونستيتۋتسيا قوعاممەن بىرگە دامىپ كەلەدى.ۋاقىتتىڭ ءوزى تالاپ ەتكەن رەفورمالار جۇزەگە اسىپ, حالىقتىڭ مۇددەسىنە باعىتتالعان وزگەرىستەر ەنگىزىلىپ جاتىر. بۇل اتا زاڭىمىزدىڭ ومىرشەڭ قۇجات ەكەنىن كورسەتەدى. ول زاماناۋي سىن-قاتەرلەرگە بەيىمدەلىپ, بولاشاق ۇرپاققا قىزمەت ەتۋ جولىندا جاڭعىرۋدا.
اتا زاڭ – تاۋەلسىز ەلدىڭ تىنىسى, ەركىندىكتىڭ ەرەجەسى, ۇلتتىڭ ۇستىنى. ول – بۇگىنگى بەيبىت كۇنىمىزدىڭ, ەرتەڭگى كەمەل كەلەشەگىمىزدىڭ كەپىلى. ءار قازاقستان ازاماتى ونى قۇرمەتتەپ, ونىڭ رۋحىن جۇرەگىندە ۇستاۋى ءتيىس. سەبەبى اتازاڭدى سىيلاۋ تاۋەلسىزدىكتى ساقتاۋ دەگەن ءسوز.
ا.ادەنوۆ,
قر سوت اكىمشىلىگى اسكەري سوتى دەپارتامەنتىنىڭ
ىشكى قاۋىپسىزدىك ءبولىمىنىڭ باس مامانى
