ءسىم وكىلىنىڭ ايتۋىنشا, وتاندىق نارىققا قىزىعۋشىلىق تانىتىپ وتىرعاندار قاتارىندا Mars, Pepsi سياقتى كومپانيالار بار. امەريكالىق Mars كومپانياسى ءىرى جوبادا جۇمىس ىستەپ جاتسا, Pepsi 160 ميلليون دوللار ينۆەستيتسيا تۋرالى مالىمدەپ, ءوندىرىستى ءۇش ەسەگە ارتتىرۋ ءۇشىن وسى سومادان 2,5 ەسە كوپ قاراجات قۇيماق. سونىمەن قاتار اراب, قىتاي جانە تۇرىك كاسىپورىندارى ينۆەستيتسيا سالۋعا مۇددەلى. قازىردىڭ وزىندە ءوندىرىس اۋقىمىن ودان ءارى كەڭەيتۋدى كوزدەيتىندەر دە, جاڭادان اشىلىپ جاتقاندارى دا بار. جاقىندا ەلىمىزدە ايگىلى بريتاندىق-شۆەدتىك فارماتسەۆتيكالىق كومپانيا ءوز جۇمىسىن باستايدى.
«حالىقارالىق AstraZeneca كومپانياسىنىڭ وندىرىستىك جەلىسى ىسكە قوسىلادى. ولار قاتەرلى ىسىك اۋرۋلارىن ەمدەۋگە قولدانىلاتىن ءدارى-دارمەكتى شىعارۋمەن اينالىساتىن بولادى. جۋىردا ۇلىبريتانياعا جاساعان ساپارىمىزدا كومپانيانىڭ كەمبريجدەگى كەڭسەسىندە بولىپ, بۇل جوباعا اسا دەن قويىلىپ وتىرعانىن بايقادىق. سول سەكىلدى فارماتسەۆتيكا سالاسىندا Pfizer, Polpharma كومپانيالارىن اتاپ وتۋگە بولادى», دەدى ول.
سىرتقى ىستەر ءمينيسترىنىڭ ورىنباسارى الەمدىك برەندتەردىڭ كەن وڭدەۋ سالاسىنا دا ەنىپ جاتقانىن ايتتى. تانىمال بيزنەس IT, جەر قويناۋىن پايدالانۋ سالالارىنا دا نازارىن تىگىپ وتىر. مىسالى, قىتايلىق Fufeng كومپانياسى جامبىل وبلىسىندا جۇگەرىنى تەرەڭ وڭدەۋمەن اينالىسادى. ولار جۇمىس ورىندارىن قۇرىپ, سالىق تولەيدى, اراداعى شارتتارعا سايكەس ۇزدىك تەحنولوگيالارىمەن بولىسەدى. باستىسى, الەمدىك برەندتەردىڭ كورپوراتيۆتىك ساياساتى – جەرگىلىكتى ءوندىرىستى بارىنشا دامىتۋ, ءوز تاۋار وندىرۋشىلەرىمىزدىڭ زاتتارىن تۇتىنىپ, قىزمەتتەرىن پايدالانۋ بولۋعا ءتيىس.
