قازاقستاندا اۆتونەسيەلەرگە سۇرانىس ارتتى

اۆتونەسيەلەرگە دەگەن سۇرانىستىڭ ءوسۋى اۆتوسالوندارمەن بىرلەسكەن سەرىكتەستىك باعدارلامالارمەن بايلانىستى. بۇل باعدارلامالار اياسىندا اۆتونەسيەلەر جارتىلاي سۋبسيديالانىپ كەلەدى. سونىڭ ناتيجەسىندە, 2025 جىلدىڭ العاشقى توقسانىندا اۆتونەسيەلەۋگە بەرىلگەن وتىنىمدەر سانى ءبىر جىل ىشىندە 13%-عا ءوسىپ, 1,4 ميلليونعا جەتتى. ورتاشا نەسيە سوماسى دا 11%-عا ارتىپ, 7,9 ميلليون تەڭگەنى قۇرادى.

كەپىلمەن بەرىلەتىن تۇتىنۋشىلىق نەسيەلەرگە دە قىزىعۋشىلىق جوعارىلاعان. بۇل – بانكتەردىڭ سىياقى مولشەرلەمەلەرىن تومەندەتۋى, كەيبىر كوميسسيالاردى الىپ تاستاۋى جانە جارنامالىق بەلسەندىلىكتىڭ ارتۋىمەن بايلانىستى. بۇل باعىتتا وتىنىمدەر سانى 25%-عا ارتىپ, 50,9 مىڭعا, ال ورتاشا نەسيە سوماسى 9%-عا ءوسىپ, 12,8 ميلليون تەڭگەگە جەتتى.

ال يپوتەكالىق جانە كەپىلسىز تۇتىنۋشىلىق نەسيەلەرگە سۇرانىس تومەندەپ وتىر. يپوتەكاعا دەگەن قىزىعۋشىلىقتىڭ ازايۋى مەملەكەتتىك تۇرعىن ءۇي جيناعىنا بەرىلەتىن سىياقىنىڭ كەشىكتىرىلۋىنە بايلانىستى. وسى سەبەپپەن كوپ ادام ءوتىنىم بەرۋدى توقسان سوڭىنا قالدىرعان. بۇل سەگمەنتتە وتىنىمدەر سانى 6%-عا ءوسىپ, 241 مىڭعا جەتكەنىمەن, ورتاشا نەسيە سوماسى 7%-عا تومەندەپ, 16,6 ميلليون تەڭگەنى قۇرادى.

كەپىلسىز تۇتىنۋشىلىق نەسيەلەرگە قىزىعۋشىلىقتىڭ ازايۋىنا بانكتەردىڭ تاۋارلىق نەسيەلەۋدى ۋاقىتشا توقتاتۋى مەن جارنامادان باس تارتۋى اسەر ەتتى. وتىنىمدەر سانى 10%-عا ازايىپ, 18,1 ميلليوندى قۇراسا, ورتاشا نەسيە سوماسى 13%-عا ارتىپ, 1 ميلليون تەڭگەگە جەتتى.

ۇلتتىق بانك دەرەكتەرىنە سۇيەنسەك:

· اۆتونەسيەلەردى ماقۇلداۋ دەڭگەيى – 16% (2 پايىزدىق تارماققا تومەندەدى);

· يپوتەكا بويىنشا ماقۇلداۋ – 24% (7 پايىزدىق تارماققا تومەندەدى);

· كەپىلسىز نەسيەلەر ماقۇلدانۋى – 31% ء(وسىم بار);

· كەپىلدى نەسيەلەر ماقۇلدانۋى – 36% (وزىنە ءتان دەڭگەيدە قالدى).

بانك سەكتورىنداعى بولجامدار بويىنشا, اۆتونەسيەلەرگە سۇرانىس الداعى توقساندا دا ارتادى. يپوتەكا بىرتىندەپ جاندانۋى مۇمكىن, ال كەپىلسىز نەسيەلەر ازداپ تومەندەۋى ىقتيمال.

جانەل تولەۋبەكوۆا, ەۇۋ 2 كۋرس ستۋدەنتى