ستسەناري بويىنشا ءورت «ريددەر ورمان شارۋاشىلىعى» كمم اۋماعىن شارپىپ, ريددەر قالاسىنا تارالۋ قاۋپى تۋىندادى. وقيعا ورنىنا كەلگەن «ريددەر ورمان شارۋاشىلىعى» قىزمەتكەرلەرى ءورتتى ءسوندىرۋ جۇمىستارىنا كىرىستى. كومەككە كەلگەن «مي-2» تىكۇشاعى وت جيەگىنە شابۋىل جاساۋ ءۇشىن ءورت ءسوندىرۋشى-دەسانتشىلاردى ءتۇسىردى. جەدەل شتاب قۇرىلىپ, قوسىمشا كۇشتەر مەن قۇرالدار – ورمان جانە اڭشىلىق شارۋاشىلىعىنىڭ جەدەل دەن قويۋ جاساعىنىڭ بولىمشەلەرى جۇمىلدىرىلىپ, ءورتتىڭ تارالۋىنا توسقاۋىل قويۋ شارالارى جۇرگىزىلدى.
شقو تجد قىزمەتكەرلەرى ورتپەن اۆتوتسيستەرنالار, ورمانعا ارنالعان ارقا سوندىرگىشتەرى ارقىلى كۇرەسۋدە. قر تجم-ءنىڭ ەكىنشى قۇتقارۋ باتالونىنىڭ اسكەري قىزمەتكەرلەرى وتتىڭ تارالۋىنا جول بەرمەۋ ءۇشىن شانتسەۆتىك قۇرالدارمەن وت جيەگىن قورشاپ جاتىر. ءورت ءسوندىرۋ پويىزى ورمان القابىنا سۋ جەتكىزۋدى ۇيىمداستىرسا, قر تجم «قازاۆياقۇتقارۋ» تىكۇشاعى سۋ توگۋ قۇرىلعىسى ارقىلى ءورتتى اۋا ارقىلى سوندىرۋدە.
پوليتسيا قىزمەتكەرلەرى ءورت ءسوندىرۋ جۇمىستارى جۇرگىزىلىپ جاتقان اۋماقتى قورشاۋعا الدى.
قر تجم «اپاتتار مەديتسيناسى ورتالىعىنىڭ» شق فيليالىنىڭ دارىگەرلەرى زارداپ شەككەندەرگە العاشقى كومەك كورسەتۋ ءۇشىن سانيتارلىق-ەۆاكۋاتسيالىق رەانيموبيل ورنالاستىردى.
كۇردەلى ءارى كوپ ساعاتتىق ورتپەن كۇرەس, قۇتقارۋشىلار, ورمانشىلار, اسكەري قىزمەتكەرلەر جانە جەرگىلىكتى اتقارۋشى ورگانداردىڭ بىرلەسكەن ارەكەتتەرى 150 گەكتار اۋماقتى شارپىعان شارتتى ءورتتى تولىقتاي توقتاتۋعا مۇمكىندىك بەردى.
«بۇل وقۋ-جاتتىعۋلار وڭىردەگى جالپى كولەمى شامامەن 2,9 ميلليون گەكتاردى قۇرايتىن ورمان القاپتارىندا ورتتەرگە جەدەل ارەكەت ەتۋ ماقساتىندا وتكىزىلىپ وتىر. جاتتىعۋ شىنايى جاعدايعا بارىنشا جاقىن وتكىزىلدى. مۇنداي دايىندىقتار تج, ورمان شارۋاشىلىعى, جەرگىلىكتى اتقارۋشى ورگانداردىڭ بولىمشەلەرىنىڭ تابيعي ورتتەرگە دايىندىعى مەن ءوزارا ءىس-قيمىل دەڭگەيىن باعالاۋعا مۇمكىندىك بەرەدى», دەدى شقو تجد باستىعى راشيد بليالوۆ
