فوتو: ult.kz
جاڭا تاۋ كلاستەرى ءجىو-گە جىل سايىن 0,8 پايىزدىق تابىسقا دەيىن قوسىپ, بيۋدجەتكە ونداعان ميلليارد تەڭگە سالىق تولەي الادى.
ەلىمىز ءۇشىن بۇل اۋىر ونەركاسىپتىڭ ۇزاق تسيكلدارىنسىز ءارتاراپتاندىرۋ جانە سەرۆيستىك ەكونوميكادا مىڭداعان جۇمىس ورىندارىن اشۋ مۇمكىندىگى.
جوبا 100% مەملەكەت تاراپىنان ينفراقۇرىلىمعا سالىمداردى قايتارۋ كەپىلدىگىمەن جۇزەگە اسىرىلادى; جەكە ينۆەستورلار كونتسەسسيالار مەن مەملەكەتتىك-جەكەمەنشىك ارىپتەستىك ارقىلى كىرە الادى.
مۇنداي مودەل اۆستريادا (Sölden) ءساتتى جۇزەگە اسىپ, جەكە كاپيتال مينيمالدى تاۋەكەلدەرمەن پايدا كورگەن.
ەكونوميكا ءۇشىن مۋلتيپليكاتيۆتى اسەر
ساراپشىلاردىڭ ەسەپتەۋلەرى بويىنشا, Ski-pass بيلەتتەرىنە جۇمسالعان ءاربىر دوللار جابدىق پەن كولىكتى جالعا بەرۋدەن باستاپ گاسترونوميا مەن IT-قىزمەتتەرگە دەيىن بايلانىستى قىزمەتتەردە تاعى 15 USD تارتادى. مۇنداي كوەففيتسيەنتكە ءداستۇرلى ەكسپورتتىق-شيكىزات سالالارىندا دا قول جەتكىزۋ وڭاي ەمەس. ياعني, بۇل ينفراقۇرىلىمدىق ينۆەستيتسيالاردىڭ تىكەلەي عانا ەمەس, سونىمەن قاتار بۇكىل القاپتاعى كاسىپكەرلەر تىزبەگى ارقىلى دا قايتارىلاتىنىن بىلدىرەدى. سوندىقتان دامىعان الپىلىك كۋرورتتار شاعىن جانە ورتا بيزنەستىڭ تۇتاس ەكوجۇيەسى بولىپ سانالادى.
ۇلتتىق پاركتىڭ جەرى ساقتالادى
كورشى ەلدەردىڭ تاجىريبەسىنەن ايىرماشىلىعى, قازاقستان ۋچاسكەلەردى ەرەكشە قورعالاتىن اۋماقتار قۇرامىنان شىعارمايدى. مەملەكەتتىك زاڭدى تۇلعا ۇلتتىق پارك اكىمشىلىگىمەن بىرلەسكەن قىزمەت تۋرالى شارت جاساسادى – ەرەكشە قورعالاتىن تابيعات اۋماقتارى مارتەبەسى مەن كۇزەت رەجيمى وزگەرىسسىز قالادى. تۋريستىك ينفراقۇرىلىم زاڭمەن رۇقسات ەتىلگەن شەكتەۋلى ەكونوميكالىق بەلسەندىلىك ايماقتارىندا عانا جاساقتالادى. بۇل جەردىڭ قوعامدىق مەنشىكتە قالۋىن جانە تابيعاتتى باقىلاۋ مەملەكەتتىڭ قولىندا بولۋىن قامتاماسىز ەتەدى.
