فوتو: اشىق دەرەككوز
وقيعا 21 مامىر كۇنى الماتى قالاسىنداعى تۇرعىن ءۇي كەشەندەرىنىڭ بىرىندە بولعان. قالالىق پوليتسيا دەپارتامەنتىنىڭ مالىمەتىنشە, زارداپ شەككەن ازاماتتار — جەكەمەنشىك تەحنيكالىق قىزمەت كورسەتەتىن كومپانيادا جۇمىس ىستەيتىن ەلەكتريكتەر.
قوعامدىق دەنساۋلىق ساقتاۋ باسقارماسىنىڭ حابارلاۋىنشا, جەدەل جاردەم شاقىرتۋى 13:05 شاماسىندا تىركەلگەن. دارىگەرلەر وقيعا ورنىنا دەرەۋ جەتىپ, ەكى ناۋقاستى انەستەزيولوگيا جانە رەانيماتسيا بولىمشەسىنە جەتكىزدى.
– پاتسيەنتتەر II–III دارەجەلى كۇيىك العان. قازىرگى تاڭدا ولار جانساقتاۋ بولىمىندە. جاعدايلارى تۇراقتى اۋىر, قاجەتتى ينتەنسيۆتى ەم جۇرگىزىلىپ جاتىر, – دەلىنگەن باسقارما تاراتقان رەسمي اقپاراتتا.
المالى اۋداندىق پوليتسيا باسقارماسى اتالعان دەرەك بويىنشا تەرگەۋ امالدارىن باستادى. وقيعانىڭ ناقتى سەبەبى مەن كىنالى تۇلعالار تەكسەرىس ناتيجەسىندە انىقتالاتىن بولادى.
جانەل تولەۋبەكوۆا, ەۇۋ 2 كۋرس ستۋدەنتى
