سوندىقتان ءدال وسى كۇندەرى «الماتى» الەۋمەتتىك-كاسىپكەرلىك كورپوراتسياسى ەلەكترمەن قۋاتتاندىراتىن ستانتسيالاردى (ەزس) ورناتۋ ءۇشىن 311 جەر تەلىمىن ءبولدى. ءاربىر ۋچاسكەدە كونكۋرستىق ىرىكتەۋدەن وتكەن وتاندىق ينۆەستورلار ەكى كولىك سياتىن, قۋاتى 60 كۆت-تان باستالاتىن ءبىر ەزس ورنالاستىرادى. بارلىق ستانتسيالار پايدالانۋعا بەرىلگەننەن كەيىن قالادا ەلەكتروموبيلدەردى قۋاتتاندىرۋعا ارنالعان 622 جاڭا ورىن پايدا بولادى.
ءبىر ۋچاسكەگە ينۆەستوردىڭ ەڭ تومەنگى سالىمى 10 ملن تەڭگەنى قۇرايدى. بۇل رەتتە حالىق ءۇشىن اككۋمۋلياتورلىق باتارەيانى زاريادتاۋدىڭ 1 كۆت ءۇشىن شەكتى قۇنى ققس ەسەبىمەن 100 تەڭگەدەن اسپايدى. جەر ۋچاسكەلەرى ينۆەستورلارعا 4 جىل مەرزىمگە ۇزارتۋعا ارتىقشىلىق بەرۋ قۇقىعىمەن بەرىلدى.
كولىكتەردى قۋاتتاندىرۋ ستانتسيالارىن قالا تۇرعىندارى كوپتەپ باراتىن – بازارلار, ساياباقتار, كافەلەر سياقتى قوعامدىق ورىنداردا ورناتۋ كوزدەلىنگەن. بارلىق ستانتسيالار بيىلعى جىلدىڭ سوڭىنا دەيىن پايدالانۋعا بەرىلەدى.
بۇگىنگى تاڭدا الماتىدا جەكە اۋماقتاردا 300-دەن استام ەزس ورناتىلعان. جاڭا نىسانداردى قوسقاندا قازىر الماتىدا قۋاتتاندىرۋ ستانتسيالارىنىڭ جالپى سانى 600-دەن اسادى.
ەزس قۇرىلىسى «2029 جىلعا قاراي بارلىق ءىرى قالالاردا ەلەكتروموبيلدەر ءۇشىن قاجەتتى ينفراقۇرىلىمدى قۇرۋ جونىندەگى جول كارتاسى» شەڭبەرىندە جۇزەگە اسىرىلادى. جوبا الماتىداعى ەكولوگيالىق جاعدايدى جاقسارتۋ قاجەتتىلىگىنە بايلانىستى, سونداي-اق مەگاپوليستەگى ەلەكتر كولىكتەرىنىڭ سانى ءوسىپ كەلە جاتقاندىقتان قولعا الىنىپ وتىر.
