زاڭ مەن ءتارتىپ • 22 مامىر, 2025

قىزىلوردا وبلىسىندا 11 مىڭعا جۋىق جۇرگىزۋشى قۇقىق بۇزعان

190 رەت
كورسەتىلدى
1 مين
وقۋ ءۇشىن

وبلىس كولەمىندە  اعىمداعى 19 ءساۋىر -19 مامىر ارالىعىندا  وتكەن «قاۋىپسىز جول» جەدەل پروفيلاكتيكالىق ءىس-شاراسى شەڭبەرىندە مەكتەپتەر مەن ءبىلىم بەرۋ ۇيىمدارىندا 300-گە جۋىق سەمينار وتكىزىلىپ, بارلىق اۋدانداردا وقۋشىلار اراسىندا «قوزعالىستىڭ جاس ينسپەكتورلارى» جاساقتارىنىڭ سلەتى ۇيىمداستىرىلدى, دەپ حابارلايدى Egemen.kz.

قىزىلوردا وبلىسىندا 11 مىڭعا جۋىق جۇرگىزۋشى قۇقىق بۇزعان

فوتو: اشىق دەرەككوز

وبلىستىق پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسى باستىعىنىڭ مىندەتىن اتقارۋشى, پوليتسيا پودپولكوۆنيگى مۇراتبەك ماناتوۆتىڭ ايتۋىنشا «قارابۇتاق-قىزىلوردا-شىمكەنت» اۆتوجولى بويىنداعى كەمپينگتەردە, دەمالىس ورىندارىندا جۇرگىزۋشىلەرگە تۇسىندىرمە جۇمىستارى جۇرگىزىلىپ, جادىنامالار تاراتىلعان. اۆتوجول بويىندا جەرگىلىكتى اتقارۋشى ورگاندار وكىلدەرىنىڭ قاتىسۋىمەن ەكى مارتە جولدا قابىلداۋ اكتسياسى وتكىزىلدى.

ء«ىس-شارا ناتيجەسىندە 10 975 قۇقىق بۇزۋشىلىق انىقتالدى. ولاردىڭ اراسىندا قر مىندەتتى ساقتاندىرۋ تۋرالى زاڭناماسىن بۇزعاندار, كولىگىن مىندەتتى تەحنيكالىق تەكسەرۋدەن وتكىزبەگەندەر, كولىك باسقارىپ كەلە جاتىپ ۇيالى تەلەفونمەن سويلەسكەندەر مەن قاۋىپسىزدىك بەلدىگىن تاقپاعاندار, تاسىمالداۋ قاعيدالارىن بۇزعاندار كوپ. جاياۋ جۇرگىنشىگە جول بەرمەگەندەر مەن كولىك قۇرالىن باسقارۋ قۇقىعىنان ايىرىلعان جۇرگىزۋشىنىڭ كولىكتى قايتا باسقارۋ فاكتىلەرى دە بار. جاياۋ جۇرگىنشىلەر جولاعىنان وتپەگەن  1265 دەرەك انىقتالدى», دەيدى مۇراتبەك ماناتوۆ.    

سونىمەن قاتار, 1281 اۆتوكولىك ايىپ تۇراعىنا قويىلىپ, 377 اۆتوكولىكتىڭ قوزعالىسىن شەكتەۋ ماقساتىندا مەملەكەتتىك تىركەۋ بەلگىلەرى الىندى.

سوڭعى جاڭالىقتار