فوتو: اشىق دەرەككوز
پرەزيدەنت جارلىعىنا سايكەس الماتى قالاسى مۋزەيلەر بىرلەستىگىنىڭ عىلىمي قىزمەتكەرى ەربولات اۋەزوۆ «پاراسات» وردەنىمەن ماراپاتتالدى. «قۇرمەت» وردەنى ورتالىقتاندىرىلعان كىتاپحانا جۇيەسى فيليالىنىڭ مەڭگەرۋشىسى قۋانىش يسابەكوۆاعا, «IL CANTO» ۆوكالدى كۆارتەتىنىڭ سوليستەرى – ماقسات ساماتوۆ, جىگەر ساتحانوۆ, بولات قاناعاتوۆقا, سونداي-اق «سازگەن سازى» فولكلورلى-ەتنوگرافيالىق ءانسامبلىنىڭ ءارتيسى ىقىلاس نۇرعاليەۆكە تابىستالدى.
«ەرەن ەڭبەگى ءۇشىن» مەدالىمەن «الاتاۋ» ءداستۇرلى ونەر تەاترىنىڭ ءارتيسى الما امانجولوۆا, قازاق مەملەكەتتىك تسيركىنىڭ اكروباتى نۇرلان الشىنباەۆ جانە «5-ستۋديا TV Production» ديرەكتورى تولقىن سادىقوۆا ماراپاتتالدى. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى مەملەكەتتىك قۋىرشاق تەاترىنىڭ اكتريساسى كۇلجاميلا يلياسوۆاعا, كومپوزيتور ۆلاديمير پيتەرتسەۆكە, سۋرەتشى رۋستام مۇساەۆقا جانە اكتريسا جارقىناي شالقارعا بەرىلدى.
«الماتى – ەلىمىزدىڭ مادەني استاناسى. بۇل جەردە ۇلت ماقتانىشىنا اينالعان مۇحتار اۋەزوۆ, شاكەن ايمانوۆ, شارا جيەنقۇلوۆا, روزا باعلانوۆا سىندى تۇلعالار ەڭبەك ەتتى. بۇگىندە ولاردىڭ ءىسىن الماتىدا جەمىستى ەڭبەك ەتىپ جاتقان تالانتتى مادەنيەت قايراتكەرلەرى جالعاستىرىپ كەلەدى. ءبىز بۇنى ماقتان تۇتامىز», دەدى الماتى قالاسى اكىمىنىڭ ورىنباسارى اسەم ءنۇسىپوۆا.
قازاقستان رەسپۋبليكاسى پرەزيدەنتىنىڭ العىس حاتىنا اباي اتىنداعى قازاق ۇلتتىق وپەرا جانە بالەت تەاترىنىڭ ءارتيسى اياجان قۋانىشاليەۆا مەن حالىقارالىق بايقاۋلاردىڭ لاۋرەاتى ۇلبولسىن كەنجەبايقىزى لايىق دەپ تانىلدى.
«مادەنيەت سالاسىنىڭ ۇزدىگى» توسبەلگىسىمەن الماتى حايۋاناتتار باعى ديرەكتورىنىڭ ورىنباسارى اعىباي اجىباەۆ, مەملەكەتتىك قۋىرشاق تەاترىنىڭ ءارتيسى بولات مومىنجانوۆ جانە ەسترادالىق-سيمفونيالىق وركەستردىڭ ارتيستەرى ۆلاديمير دەمچەنكو, ريما احمەتوۆا, ايناش جايىلبەكوۆا-ساربۋفينا, مەيىرگۇل جالپاقوۆا, بوتاگوز قويشىباەۆا, ۆالەري ناسيبۋلين جانە الەكسەي تيموفەەۆ ماراپاتتالدى.
مادەنيەت جانە اقپارات مينيسترلىگىنىڭ قۇرمەت گراموتاسىنا ورتالىقتاندىرىلعان كىتاپحانا جۇيەسىنىڭ كىتاپحاناشىسى گۇلبارشىن بۇلانباەۆا جانە ديريجەر نيكيتا بەلياكوۆ يە بولدى. ءمينيستردىڭ العىس حاتى الماتى حايۋاناتتار باعىنىڭ قىزمەتكەرى باعيلا يبراگيموۆاعا بەرىلدى.
«مادەنيەت – ومىرىمىزگە ءمان مەن سۇلۋلىق بەرەتىن, ادامزات دامۋىنىڭ قوزعاۋشى كۇشى. بۇگىن تەك بەلگىلى ارتيستەر عانا ەمەس, ساحنا سىرتىندا ەڭبەك ەتەتىن جانداردىڭ دا قۇرمەتكە يە بولعانى ەرەكشە قۋانتادى. مەن ءۇشىن قاراپايىم العىس حاتتىڭ ءوزى – ۇلكەن ماراپات, بۇل – سەنى باعالاپ, ەڭبەكتىڭ ەلەۋسىز قالدىرماعانىن بىلدىرەدى. الماتى – مادەني استانا, ونىڭ دامۋى – ءوز ىسىنە ادال جاندار مەن قالالىق اكىمدىكتىڭ قولداۋىنىڭ ناتيجەسى», دەدى قازاقستاننىڭ ەڭبەك سىڭىرگەن قايراتكەرى, ەسترادا جانە وپەرا ءانشىسى تولقىن زابيروۆا.
الماتى قالاسىنىڭ اكىمى ەربولات دوساەۆتىڭ اتىنان ونەر مەن مادەني مۇرانى دامىتۋعا قوسقان ۇلەسى ءۇشىن 25 مادەنيەت سالاسىنىڭ وكىلى العىس حاتپەن ماراپاتتالدى.
