فوتو: اشىق دەرەككوزدەن
وڭىردەگى قۋاڭشىلىق پەن زيانكەستەردىڭ كوبەيۋى ديقاندار مەن شارۋالار ءۇشىن بۇرىن-سوڭدى بولماعان قيىندىق تۋعىزىپ وتىر. دەپۋتات بۇل جاعداي وبلىس تۇرعىندارىنىڭ تۇرمىسىنا عانا ەمەس بۇكىل ەلدىڭ ازىق-ت ۇلىك قاۋىپسىزدىگىنە تىكەلەي قاۋىپ ءتوندىرىپ وتىرعانىن ايتتى.
«بيىل تۇركىستان وبلىسىندا اۋا رايىنىڭ قولايسىزدىعى سالدارىنان ەگىن القاپتارىنىڭ ءبىراز بولىگى كۇيىپ كەتكەن. جالپى ەگىلگەن 389,3 مىڭ گەكتار القاپتىڭ 10 پايىزى جارامسىز كۇيگە تۇسكەن. بۇل — جوسپارلانعان ءونىم كولەمىنىڭ ايتارلىقتاي تومەندەۋىنە اكەلۋى مۇمكىن. سونىمەن قاتار, جايىلىمداردىڭ قۋراۋى مەن مال ازىعىنىڭ تاپشىلىعى اۋىل تۇرعىندارىنىڭ تۇرمىسىن ودان سايىن اۋىرلاتىپ وتىر. مال باسىنىڭ ازايۋى دا تىرشىلىگى ءتورت ت ۇلىككە تاۋەلدى ءوڭىر ءۇشىن ۇلكەن پروبلەماعا اينالدى», دەدى ۇلاسبەك سادىبەكوۆ.
ول وسى ماسەلەگە ۇكىمەتتىڭ نازارىن اۋدارىپ, زارداپ شەككەن اۋدانداردا توتەنشە جاعداي رەجيمىن جاريالاۋ مۇمكىندىگىن قاراستىرۋدى جانە قۋاڭشىلىق زارداپتارىن ەڭسەرۋگە باعىتتالعان ارنايى وڭىرلىك باعدارلاما قابىلداپ, ونىڭ اياسىندا عىلىمي نەگىزدەلگەن اگروەكولوگيالىق شەشىمدەردى جۇزەگە اسىرۋ كەرەك ەكەنىن اتاپ ءوتتى.
«سونداي-اق «اگرارلىق نەسيە كورپوراتسياسى» اق ارقىلى كوكتەمگى دالا جۇمىستارىنا بەرىلگەن نەسيە قاراجاتتارى مەن «قازاگروقارجى» اق ارقىلى 2023 جىلدان بەرى ليزينگكە الىنعان تەحنيكالار بويىنشا نەسيەلەردىڭ قايتارۋ مەرزىمىن
1 جىلعا شەگەرۋدى ۇسىنامىن. وڭتۇستىكتەگى شارۋالار «اگرارلىق نەسيە كورپوراتسياسى» اق تاراپىنان اۋداندارداعى نەسيە سەرىكتەستىكتەرىنە قويىلاتىن تالاپتاردى وڭتايلاندىرۋعا, جاۋىپ تاستاعان نەسيە جەلىسىن قايتا اشۋعا ىقپال ەتۋىڭىزدى سۇرايدى», دەگەن شارۋالار تىلەگىن جەتكىزدى.
وڭىردە زيانكەستەرمەن كۇرەس ماسەلەسى دە وزەكتى بولىپ وتىر. ۇلاسبەك سادىبەكوۆ وسىعان بايلانىستى كەشەندى وڭىرلىك باعدارلاما ازىرلەۋدى, تۇركىستان وبلىسىنىڭ تابيعي-كليماتتىق ەرەكشەلىكتەرىن ەسكەرە وتىرىپ, شەگىرتكە مەن شىركەيگە قارسى كۇرەسكە ارنالعان ارنايى وڭىرلىك جوسپار قابىلداۋدى دا ۇسىندى.
«اسا قاۋىپتى زياندى ورگانيزمدەرگە قارسى كۇرەس شارالارىن جەدەل ءارى ءتيىمدى جۇزەگە اسىرۋ ءۇشىن وڭدەۋگە جاتاتىن بارلىق جەر كولەمىن رەسپۋبليكالىق بيۋدجەتتەن 100% قارجىلاندىرۋ كەرەك. اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اسا قاۋىپتى زياندى ورگانيزمدەرگە قارسى كۇرەس جۇرگىزۋ قۇزىرەتىن, ءتيىستى قارجى كولەمىمەن بىرگە ءوڭىر اكىمدىكتەرىنە بەرۋدى ۇسىنامىن», دەدى دەپۋتات.
الينا قايراتقىزى,
ەۇۋ 2-كۋرس ستۋدەنتى
