جاڭا ساحنا شىمىلدىعى «كۇلشەقىز» ەرتەگىسىمەن اشىلدى. كورەرمەندەردىڭ ىستىق ىقىلاسىنا بولەنگەن تەاتر ۇجىمى كەلەسى قويىلىمىن «برەمەن مۋزىكانتتارىمەن» 22 مامىردا جالعاستىرماقشى.
قازاقستاننىڭ حالىق ءارتيسى, اكتريسا ولگا كورجەۆا تەاتر ۇجىمى جانە كورەرمەندەردىڭ قالا اكىمدىگىنە ريزاشىلىعىن ءبىلدىرىپ, تەاترعا 44 جىلدان كەيىن العاش رەت كۇردەلى جوندەۋ جۇمىستارىنىڭ جاسالىپ جاتقانىن جەتكىزدى.
قازىرگى كەزدە تەاتردا تىرەك قۇرىلىمدارى كۇشەيتىلىپ, شاتىر مەن قاسبەتى, ساحنا, جارىق جانە دىبىس جۇيەلەرى تولىقتاي جاڭعىرتىلىپ جاتىر. عيماراتتىڭ تاريحي كەلبەتىن ساقتاۋ ەرەكشە نازاردا. ءمارمار ەدەندەر, ۆيتراجدار, موزايكالار مەن باسقا دا ساۋلەتتىك ەلەمەنتتەر قالپىنا كەلتىرىلىپ, مۇمكىندىگى شەكتەۋلى كورەرمەندەردىڭ دە تەاترعا كەلۋىنە قولايلى جاعدايلار جاسالىپ جاتىر.
تەاتردىڭ نەگىزگى عيماراتىنىڭ جانىنان كامەرالىق ساحنا ورنالاساتىن بولەك عيمارات بوي كوتەرەدى. وندا SATS COMMUNITY تەاتر ستۋدياسىنىڭ سىنىپتارى, شەبەرحانالار جانە گريم بولمەلەرى ورنالاسادى. ەكى كورپۋستى بىرىكتىرەتىن گالەرەيا سالىنادى. جوندەۋ جۇمىستارىن اياقتاۋ كەلەر جىلدىڭ شىلدە ايىنا جوسپارلانعان.
الماتى
