16 مامىر كۇنى كەشكىسىن سارباز ءوزىن جايسىز سەزىنىپ, دەنە قىزۋى كوتەرىلگەن سوڭ اياگوز اسكەري اۋرۋحاناسىنا جەتكىزىلگەن.
«باستاپقى تەكسەرۋ مەن ەم تاعايىندالعاننان كەيىن دە جاعدايى جاقسارمادى. 17 مامىر كۇنى قوسىمشا زەرتتەۋلەر, سونىڭ ىشىندە ۋدز مەن كت جاسالىپ, ناتيجەسىنە بايلانىستى ونى ءارى قاراي ەم الۋ ءۇشىن قالالىق ورتالىق اۋداندىق اۋرۋحاناعا اۋىستىردى. 18 مامىردا ساربازدىڭ جاعدايى كۇرت ناشارلاپ, جانساقتاۋ بولىمىندەگى قارقىندى ەمگە قاراماستان, ونى امان الىپ قالۋ مۇمكىن بولمادى», دەلىنگەن رەسمي حابارلامادا.
سارباز 25 ءساۋىر كۇنى سولتۇستىك قازاقستان وبلىسىنان مەرزىمدى اسكەري قىزمەتكە شاقىرىلعان ەدى.
ونىڭ ولىمىنە بايلانىستى قىلمىستىق ءىس قوزعالدى. قۇرلىق اسكەرلەرى قولباسشىلىعى مارقۇمنىڭ وتباسىنا جانە جاقىندارىنا كوڭىل ايتىپ, ءتيىستى كومەك كورسەتىلەتىنىن ايتتى.
