مۇنداي شەشىم, ەڭ الدىمەن, شۇعىل قىزمەتتەردىڭ اشىقتىعىن ارتتىرۋعا, ازاماتتاردىڭ الاڭداۋشىلىعىن ازايتۋعا جانە ديسپەتچەرلىك ورتالىقتىڭ جۇمىسىن جەڭىلدەتۋگە باعىتتالعان.
استانا قالاسى جەدەل جاردەم قىزمەتىنىڭ مالىمەتىنشە, وپەراتورلار تاۋلىگىنە 6000-عا دەيىن قوڭىراۋ قابىلدايدى. سونىڭ ىشىندە 40 پايىزدايى – جەدەل جاردەمنىڭ كەلۋ ۋاقىتىنا قاتىستى قايتالاما ساۋالدار. اۆتوماتتاندىرىلعان حابارلاما جۇيەسى وسىنداي ارتىق قوڭىراۋلاردىڭ سانىن ازايتىپ, رەسۋرستاردى شىنىمەن شۇعىل كومەك قاجەت ەتەتىن جاڭا شاقىرتۋلارعا جۇمساۋعا مۇمكىندىك بەرەدى.
جاڭا جۇيە ازىرگە استانا قالاسىندا جانە تەك جەدەلدىكتىڭ ءبىرىنشى ساناتى بويىنشا كەيبىر شاقىرتۋلارعا ەنگىزىلدى. الداعى ۋاقىتتا بۇل باستامانى ەلىمىزدىڭ باسقا وڭىرلەرىنە دە كەڭەيتۋ كوزدەلىپ وتىر.
دەنساۋلىق ساقتاۋ ۆيتسە-ءمينيسترى ەربول وسپانوۆ بۇل تسيفرلىق جاڭالىقتىڭ ارتىقشىلىقتارىنا توقتالىپ ءوتتى:
«جەدەل جاردەم بريگاداسىنىڭ قوزعالىسىن كورۋ مۇمكىندىگى — تەحنولوگيالار ارقىلى اشىقتىقتى قامتاماسىز ەتۋ, شاقىرعان ادامداردىڭ الاڭداۋشىلىعىن ازايتۋ جانە ديسپەتچەرلەرگە تۇسەتىن جۇكتەمەنى ازايتۋدىڭ ءبىر مىسالى. سونىمەن قاتار, تسيفرلىق حابارلاما بەرۋ بريگادانىڭ كەلۋىنە دايىندالۋعا كومەكتەسەدى, مىسالى, اۋلاداعى شلاگباۋمدى اشۋ نەمەسە پاتسيەنتتىڭ قۇجاتتارىن دايىنداۋ سەكىلدى», دەدى ۆيتسە-مينيستر.
جاڭا فۋنكتسيا ياندەكس كارتانىڭ JavaScript API شەشىمى ارقىلى جۇزەگە اسىرىلعان.
دەنساۋلىق ساقتاۋ مينيسترلىگى بولاشاقتا بۇل جۇيەنى بۇكىل رەسپۋبليكا كولەمىندە ەنگىزىپ, ءاربىر ازاماتقا مەديتسينالىق كومەكتىڭ قولجەتىمدىلىگى مەن ساپاسىن ارتتىرۋ جولىنداعى تسيفرلىق رەفورمالارىن جالعاستىرماق.
