وبلىستىق جۇقتىرىلعان يممۋن تاپشىلىعى سيندرومىنىڭ الدىن الۋ جانە ونىمەن كۇرەس ورتالىعىنىڭ باس دارىگەرى باعلان قىدىرباەۆتىڭ ايتۋىنشا, جيتس دەرتىن جۇقتىرعانداردىڭ كوش باسىندا وبلىس ورتالىعى تاراز قالاسى تۇر.
«وسى جىلدىڭ العاشقى ءتورت ايىندا جيتس ينفەكتسياسىنىڭ 44 جاعدايى تىركەلدى. 100 مىڭ تۇرعىنعا شاققاندا اۋرۋشاڭدىق كورسەتكىشى 3,6-نى قۇراپ وتىر», دەيدى ول.
ب. قىدىرباەۆ كەلتىرگەن دەرەككە جۇگىنسەك, ەڭ كوپ ينفەكتسيا جۇقتىرعانداردىڭ كوشىن 30-39 جانە 40-49 جاستاعى ازاماتتار قۇراعان. اتالعان جاس ساناتىنداعى تۇرعىنداردان 12 دەرەكتەن انىقتالعان. وكىنىشكە قاراي, دەرتكە شالدىققانداردىڭ قاتارىندا 2-5 جاس ارالىعىنداعى ءبىر ءسابي بار, سونداي-اق 15-19 جاس ارالىعىنداعى جاسوسپىرىمدەردىڭ بىرىنەن جيتس انىقتالعان.
ء«تورت ايداعى كورسەتكىشكە زەر سالساق, ايتۆ ينفەكتسياسى انىقتالعانداردىڭ ىشىندە جۇمىس ىستەيتىن ازاماتتاردىڭ سانى باسىم بولىپ تۇر. ولاردان 17 جاعداي انىقتالسا, جۇمىسسىز ازاماتتاردىڭ ينفەكتسيا جۇقتىرۋ كورسەتكىشى 16 دەرەكتى قۇراعان», دەيدى ب. قىدىرباەۆ.
جامبىل وبلىسى
