فوتو: Oqu-agartu ministrligi
ايتا كەتسەك, 2024 جىلى بەدەلدى حالىقارالىق جارىستاردا ۇزدىك ناتيجە كورسەتكەن 26 وقۋشىعا 77,5 ملن تەڭگە جانە ولاردى دايىنداعان 24 مۇعالىمگە 6,4 ملن تەڭگە سىياقى بەرىلگەن. وليمپيادانىڭ التىن جۇلدەگەرلەرى 1500 ايلىق ەسەپتىك كورسەتكىش (اەك), كۇمىس مەدال يەگەرلەرى – 1000 اەك, ال قولا مەدال يەگەرلەرى 500 اەك كولەمىندە سىياقى العان.
وقۋ-اعارتۋ مينيسترلىگى ءباسپاسوز قىزمەتىنىڭ مالىمدەۋىنشە, ولاردىڭ اراسىندا الەمدىك جانە ازيا دەڭگەيىندەگى وليمپيادالاردا ەرەكشە بىلىمىمەن, زەرەكتىگىمەن كوزگە تۇسكەن وقۋشىلار:
ماڭعىستاۋ وبلىسىنان رامازان بۋتانتاەۆ – ازيا-تىنىق مۇحيتى ايماعىنىڭ «ەڭ مىقتى لينگۆيسى» رەتىندە تانىلعان.
ەلوردالىق 10-سىنىپ وقۋشىسى نۇرگۇل ەگەنبەرگەنوۆا ازيا فيزيكا وليمپياداسىندا «ەڭ ۇزدىك قاتىسۋشى» اتانعان.
شىعىس قازاقستان ءوڭىرىنىڭ وقۋشىسى الديار امانگەلدى ورتالىق ازيانىڭ «ەڭ ۇزدىك ينفورماتيگى» مارتەبەسىنە يە بولعان.
ماڭعىستاۋ وبلىسىنان مەندىعالي قالدىباي حيميا ءپانى بويىنشا زەرتحانالىق جۇمىستان 40 ەلدىڭ قاتىسۋشىلارى اراسىندا ەڭ جوعارى ناتيجە كورسەتىپ, «ەڭ ۇزدىك پراكتيك» اتانعان.
بۇدان بولەك, قازاقستان وقۋشىلار حيميا پانىنەن ەڭ بەدەلدى حالىقارالىق وليمپيادادا ەكى مارتە چەمپيون اتانعان جانە First Global Challenge روبوتوتەحنيكا چەمپيوناتىندا ءۇش دۇركىن الەم چەمپيونى بولعان.
