فوتو: ortcom.kz
ەڭبەك جانە حالىقتى الەۋمەتتىك قورعاۋ مينيسترلىگى سۋبسيديالاناتىن جۇمىس ورىندارىنا مانساپ ورتالىقتارى ارقىلى 106,3 مىڭ ادام جىبەرگەن. ونىڭ ىشىندە: الەۋمەتتىك جۇمىس ورىندارىندا 9,6 مىڭ ادام, جاستار پراكتيكاسىندا 6,6 ادام, قوعامدىق جۇمىستاردا 78,3 مىڭ ادام, «كۇمىس جاس» جوباسى اياسىندا 11,1 مىڭ ادام, «العاشقى جۇمىس ورنى» جوباسى بويىنشا 680 ادام, «ۇرپاقتار كەلىسىمشارتى» جوباسى شەڭبەرىندە 33 ادام جۇمىسپەن قامتىلعان.
ەڭبەك نارىعىنداعى سۇرانىسقا يە داعدىلار بويىنشا 36,6 مىڭ جۇمىسسىز ونلاين وقىتىلعان, ونىڭ 34,5 مىڭى وقۋدى اياقتاعان.
ال «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 14,1 مىڭ ادام قامتىلعان, 7,3 مىڭ ادام وقۋدى اياقتاپ, سەرتيفيكات العان.
جۇمىس بەرۋشىلەردىڭ ءوتىنىشى بويىنشا كاسىپتىك وقىتۋعا 802 ادام جىبەرىلدى, ونىڭ ىشىندە 51 ادام وقۋدى اياقتادى.
بۇدان بولەك قىزمەت سالاسىن تاڭداۋ ماقساتىندا كاسىپتىك ورتالىقتاردا 140,7 مىڭ ادام الەۋمەتتىك كاسىپتىك باعدارلاۋدان ءوتىپ, كەڭەس العان.
«ازاماتتاردى جۇمىسقا ورنالاستىرۋ بىرنەشە باعىت بويىنشا جۇزەگە اسىرىلادى. ولاردىڭ ناقتى جۇمىس ىستەپ جاتقانى مىندەتتى زەينەتاقى جارنالارىنىڭ اۋدارىلۋىمەن راستالادى. ماسەلەن, 2025 جىلعى 1 مامىردا 143,2 مىڭ ادام جۇمىسقا ورنالاستىرىلدى, ونىڭ ىشىندە: حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە – 87,8 مىڭ ادام; ەلەكتروندىق ەڭبەك بيرجاسىندا جۇمىس بەرۋشىلەر ورنالاستىرعان بوس بوس ورىندارعا – 31,7 مىڭ ادام; مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە – 23,6 مىڭ ادام. ورتالىق مەملەكەتتىك ورگاندار ىسكە اسىراتىن جوبالار شەڭبەرىندە – 42 ادام», دەلىنگەن مينيسترلىك حابارلاماسىندا.
سونىمەن قاتار, جاڭا بيزنەس-باستامالاردى ىسكە اسىرۋ ءۇشىن 2025 جىلى حالىقتىڭ الەۋمەتتىك وسال ساناتتارىنا جاڭا بيزنەس-باستامالاردى ىسكە اسىرۋ ءۇشىن 400 اەك (1 572 800 تەڭگە) دەيىنگى مولشەردە 9 مىڭ گرانت بەرۋ جوسپارلانىپ وىتر. گرانت الۋعا ۇمىتكەرلەردەن وتىنىمدەردى قابىلداۋدىڭ ءبىرىنشى لەگى 2025 جىلعى 21 مامىر مەن 3 ماۋسىم ارالىعىندا وتەدى.
