باعدارلاما شەڭبەرىندە 120 قازاقستاندىق جاس مامان يسپانيادا ينجينيرينگ سالاسىندا ارنايى كاسىبي دايارلىقتان وتەدى. وقىتۋ اياقتالعاننان كەيىن تۇلەكتەر Tecnicas Reunidas كومپانياسىنىڭ حالىقارالىق جوبالارىندا جۇمىس ىستەۋگە مۇمكىندىك الادى.
جوبانىڭ نەگىزگى ماقساتى - مۇناي-حيميا سالاسى ءۇشىن الەمدىك دەڭگەيدەگى جوعارى بىلىكتى ينجەنەر كادرلارىن دايارلاۋ, سونداي-اق وتاندىق مامانداردىڭ جاھاندىق تەحنولوگيالىق ورتادا جۇمىس ىستەۋىنە جاعداي جاساۋ. باعدارلامانىڭ ۇزاقتىعى - 4 جىل.
سونىمەن قاتار, جۇمىسشى ماماندىقتاردى دايارلاۋ باعىتى دا قاراستىرىلعان. اتاپ ايتقاندا, اتىراۋ قالاسىنداعى APEC كوللەدجى بازاسىندا “قازمۇنايگاز” ۇك اق-نىڭ ەنشىلەس ۇيىمدارى جۇزەگە اسىرىپ جاتقان مۇناي-حيميا جوبالارىنا قاجەتتى كادرلاردى دايارلاۋ كۋرستارى باستالادى.
قر ەنەرگەتيكا مينيسترلىگى بۇل باستامالاردى مۇناي-حيميا سالاسىنىڭ تۇراقتى دامۋىن قامتاماسىز ەتەتىن, ادامي كاپيتالدى نىعايتۋعا باعىتتالعان ماڭىزدى قادام رەتىندە باعالايدى.
