يتاليانىڭ تۋرين قالاسىنداعى «چەللەندجەر» ءتۋرنيرىن الەكساندر بۋبليك ءساتتى باستادى. ەلىمىزدىڭ ءبىرىنشى راكەتكاسى تۇساۋكەسەر كەزدەسۋدە جەرگىلىكتى ويىنشى ماتتەو گيگانتتى 6:3, 6:1 ەسەبىمەن ويسىراتا ۇتتى. بۇل ماتچ ءبىر ساعاتقا سوزىلدى. ەندى بۋبليك يتاليانىڭ تاعى ءبىر وكىلى فەدەريكو ارنابولديمەن كەزدەسەدى.
قازاقستاننىڭ ەكىنشى راكەتكاسى الەكساندر شەۆچەنكونىڭ دا اياق الىسى جامان ەمەس. ول فرانتسيانىڭ بوردو قالاسىندا تۇساۋى كەسىلگەن ءتۋرنيردىڭ العاشقى اينالىمىندا سول ەلدىڭ وكىلى ۋگو گرەنەمەن كۇش سىناستى. 1 ساعات 45 مينۋتقا سوزىلعان سايىس 7:6, 6:1 ەسەبىمەن اياقتالدى. ال بەيبىت جۇقاەۆ حورۆاتيانىڭ زاگرەبىندەگى جارىستا ساتسىزدىككە ۇشىرادى. قانداسىمىز شۆەيتساريالىق جەروم كيمگە جول بەردى.
