جيىندا مەملەكەت باسشىسىنىڭ باستامالارى مەن تاپسىرمالارىن ءتيىمدى ورىنداۋعا, ەتنوسارالىق جانە كونفەسسياارالىق كەلىسىمدى نىعايتۋعا, ازاماتتىق قوعام ينستيتۋتتارىمەن ءوزارا قارىم-قاتىناسقا, اقپاراتتىق جانە جاستار ساياساتىنا, سونداي-اق باسقا دا تۇيتكىلدەرگە قاتىستى وزەكتى ماسەلەلەر تالقىلاندى.
ە.قارين مەملەكەتتىك ورگانداردىڭ قىزمەتىن ۇيىمداستىرۋ ىسىندەگى باستى قاعيداتتارعا توقتالىپ, ىشكى ساياسات سالاسىندا پرواكتيۆتى, ياعني پروبلەمالاردىڭ الدىن الۋ ءتاسىلىن قولدانۋ قاجەتتىگىنە نازار اۋداردى.
مەملەكەتتىك كەڭەسشى جيىندى قورىتىندىلاي كەلە جاۋاپتى ورگاندارعا ىشكى ساياسات سالاسىن جەتىلدىرۋگە قاتىستى بىرقاتار ناقتى تاپسىرما بەردى.
سونداي-اق ە.قارين قوجا احمەت ياساۋي كەسەنەسىنە بارىپ, وندا جۇرگىزىلىپ جاتقان عىلىمي زەرتتەۋ جانە رەستاۆراتسيا جۇمىستارىمەن تانىستى. مەملەكەتتىك كەڭەسشى ەلىمىزدىڭ عانا ەمەس, يۋنەسكو-نىڭ بۇكىلالەمدىك مادەني مۇرالار تىزىمىنە ەنگەن بىرەگەي نىساندى ساقتاپ قالۋدىڭ ماڭىزىن اتاپ ءوتتى.
