فوتو: سۋ رەسۋرستارى جانە يرريگاتسيا مينيسترلىگى
قىتايدا بىلىكتىلىكتى ارتتىرۋ كۋرستارىنان بيىل قازاقستاننىڭ سۋ سالاسىنىڭ 120 مامانى وتەتىنى كوزدەلگەن. اتالعان كۋرستاردى ۇيىمداستىرۋ قىتاي تاراپىنىڭ قاراجاتى ەسەبىنەن بولعاندىقتان, ءىس-شارانى ۇيىمداستىرۋعا قر-نىڭ مەملەكەتتىك بيۋدجەتىنەن قاراجات بولىنبەگەن.
«قازاقستان ماماندارى قىتايدان باسقا, اقش, فرانتسيا جانە جاپونيادا دا وقۋدان ءوتتى. قازىرگى ۋاقىتتا باسقا دا ەلدەرمەن كەلىسسوزدەر جۇرگىزىلىپ جاتىر. بىلتىرعىداي, بيىل دا قازاقستانداعى ارنايى ورتالىقتاردا وقۋ كۋرستارى وتەدى. 2025 جىلى بۇل كۋرستاردان شامامەن 1000 مامان وتەدى دەپ جوسپارلانىپ وتىر. بۇل بىلتىرعىمەن سالىستىرعاندا ەكى ەسە كوپ», دەدى سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆ.
