بىرلەستىك اۋىلىنىڭ تۋماسى عالىمجان سالىمگەرەەۆ 19 جاسىندا مايدانعا اتتانىپتى. 1942 جىلى ۆورونەج توڭىرەگىندەگى شايقاستا حابارسىز كەتكەن. ارتىندا قالعان ۇرپاقتارى اتالارىنىڭ دەرەگىن ۇزاق ۋاقىت بويى ىزدەگەن. سول ىزدەۋدىڭ ناتيجەسىندە قۇندى اقپاراتتاردى تاپقان. بۇل قۇجاتتاردا عالىمجان اسقار ۇلى العاشقى بەتتە بارلاۋشى بولعاندىعى ايتىلادى. 560-ءىنشى ساپەرلار باتالونىندا قىزمەت ەتكەن.
تاياۋدا بىرلەستىك اۋىلىنداعى مايدانگەرلەرگە ارنالعان ەسكەرتكىش تاقتاعا جاۋىنگەردىڭ ەسىمى جازىلدى. شوق جۇلدىزداي شاعىن اۋىلدان مايدانعا 64 بوزداق اتتانىپ, 34-ءى ورالماعان.
– مالىمەتتەر الەۋمەتتىك جەلىدەن تابىلدى, –دەيدى جاۋىنگەردىڭ ۇرپاعى ەسىمجان سالىمگەرەەۆ, – ءوز ەلىمىزدە دە مالىمەتتەر بار ەكەن. ەندى مىنە, ەل قورعاعان ەسىل ەردىڭ ەسىمى ەسكەرتكىش تاقتادا تۇر.
ەرلىك ەشقاشان ۇمىتىلمايدى دەگەن وسى ەمەس پە؟
اقمولا وبلىسى,
زەرەندى اۋدانى.
