ءتۋرنيردىڭ ۇيىمداستىرۋشىسى — PGL Esports, الەمدەگى تاۋەلسىز كيبەرسپورت ۇيىمى. جۇلدە قورى – 1 250 000 اقش دوللارى.
تۋرنيرگە اقش, گەرمانيا, سەربيا, برازيليا, ۋكراينا, موڭعوليا, رەسەي جانە باسقا دا ەلدەردەن كەلگەن 16 كوماندا قاتىسۋدا. كوماندالار قۇرامىندا قازاقستاننان 5 وكىل بار: ويىنشىلار ك.فايزنۋروۆ (لاقاپ اتى - ICY), ا.قايىرجان (kade0), س.ورازالى (dukefissura), د.گولۋبەنكو (molodoy), سونداي-اق جاتتىقتىرۋشى ر.تەلەپوۆ (mou).
تۋرنير ەكى كەزەڭنەن تۇرادى:
1. توپتىق كەزەڭ (Elimination Stage)
وتەتىن ورنى – استانا قالاسىنداعى جابىق ويىن الاڭدارى.
فورماتى – شۆەيتساريالىق جۇيە (Swiss). بارلىق ماتچتار Best of 3 فورماتىندا وتەدى.
3 جەڭىسكە جەتكەن كوماندالار كەلەسى كەزەڭگە وتەدى, ال 3 رەت جەڭىلگەندەر جارىستان شىعادى.
بارلىق ماتچتار ونلاين ترانسلياتسيا ارقىلى كورسەتىلەدى: https://www.youtube.com/watch?v=q6cCuly0mVI
2. پلەي-وفف كەزەڭى (Champions Stage)
وتەتىن ۋاقىتى – 16-18 مامىر, ورنى – استاناداعى «بارىس ارەنا».
بۇل كەزەڭگە توپتىق ىرىكتەۋ ناتيجەسىندە ۇزدىك شىققان 8 كوماندا قاتىسادى.
فورمات – جۇپتىق جويۋ جۇيەسى (single elimination). بارلىق ماتچتار Best of 3 فورماتىندا وتەدى.
فينالدىق كەزدەسۋ دە Best of 3 فورماتىندا وينالادى. جەڭىمپاز كوماندا PGL Major Astana 2025 ءتۋرنيرىنىڭ چەمپيونى اتانىپ, باس جۇلدەنى يەلەنەدى.
قازاقستان كيبەرسپورت فەدەراتسياسى بۇل ءتۋرنيردىڭ ەلىمىزدە ءوتۋى قازاقستاننىڭ جاھاندىق كيبەرسپورت ارەناسىنداعى ورنىن نىعايتىپ, وتاندىق كيبەرسپورتتىڭ دامۋىنا سەرپىن بەرەتىن ماڭىزدى قادام ەكەنىن اتاپ ءوتتى. سونداي-اق حالىقارالىق قاۋىمداستىقتىڭ نازارىن اۋدارۋعا, ينفراقۇرىلىمدى جاقسارتۋعا جانە جەرگىلىكتى ويىنشىلار ءۇشىن جاڭا مۇمكىندىكتەر تۋعىزۋعا ىقپال ەتەدى دەپ سانايدى.
