2019 جىلعى قىركۇيەكتە قازاقستان باس پروكۋراتۋراسى تۇركيا ادىلەت مينيسترلىگىنە «استانا LRT» جشس-ءنىڭ ەكس-باسشىسى, قازاقستان ازاماتى تالعات ارداندى حالىقارالىق ىزدەۋگە جاريالانۋىنا بايلانىستى ەكستراديتسيالاۋ تۋرالى سۇراۋ جولداعان.
وسىعان بايلانىستى تۇركيا رەسپۋبليكاسىنىڭ قۇزىرلى ورگاندارى ىزدەستىرۋ شارالارىن جۇرگىزگەن.
«بيىل ۇقك ونىڭ ناقتى ورنالاسقان جەرىن انىقتاپ, سودان كەيىن تۇركيانىڭ قۇقىق قورعاۋ ورگاندارى تالعات ارداندى انتاليا قالاسىندا ۇستادى. 9 مامىردا انتاليا سوتى ت. ارداندى قازاقستانعا دەپورتاتسيالاۋ تۋرالى شەشىم قابىلدادى, قازىرگى ۋاقىتتا ول قاماۋدا وتىر», دەلىنگەن حابارلامادا.
كۇدىكتىنى قازاقستانعا قايتارۋ بويىنشا قۇقىقتىق راسىمدەر قازاقستاندىق قۇزىرلى ورگاندار تاراپىنان باستالدى.
