سۋرەتتى تۇسىرگەن – جۇماباي مۇسابەكوۆ
بۇگىندە وبلىستا ۇلى مايداندى كورگەن كوزى ءتىرى ەكى اقساقال عانا قالدى. ايتسە دە بۇل توپىراقتان مىڭنان اسا سارباز اتتانعان ەدى. ولاردىڭ جارتىسىنا جۋىعى عانا ەلگە ورالعان. سولاردىڭ ونەگەلى جولىن قازىر ۇرپاقتارى جاڭعىرتىپ وتىر. ماسەلەن, سالتاناتتى جيىنعا كەلگەن باتىردىڭ نەمەرەسى ايجان نۇرماعامبەتوۆا اتاسىنىڭ ءجۇرىپ وتكەن جولىن بايانداپ, كوپشىلىكتىڭ كوڭىلىن تولقىتتى.
ء«بىزدىڭ اتامىز بۇكىل سانالى عۇمىرىن اسكەري سالاعا ارنادى. بۇل – جاس ۇرپاق جالعاستىرۋعا تۇراتىن, جالعاستىرۋعا ءتيىس ونەگەلى جول. ول ءۇشىن «پارىز», «مىندەت» دەگەن سوزدەردىڭ ماڭىزى ەرەكشە ەدى. سوندىقتان بولار, ونىڭ جالعىز ۇلى العاشقىلاردىڭ ءبىرى بولىپ چەرنوبىل اپاتىنىڭ زاردابىن جويۋعا اتتاندى. قازىر ەلىمىزدىڭ بارلىق قالاسىندا ساعادات نۇرماعانبەتوۆتىڭ ەسىمىمەن اتالاتىن كوشەلەر بار», دەدى ول.
كوشە اتاۋىن بەرۋ تۋرالى باستامانى تالدىقورعان قالالىق قارۋلى كۇشتەر ارداگەرلەر كەڭەسىنىڭ وكىلدەرى كوتەرگەن بولاتىن. بۇل باستاما ءتيىستى ونوماستيكالىق كوميسسيا تاراپىنان قولداۋ تاپتى. اتاپ وتسەك, وبلىس ورتالىعىنىڭ «شىعىس» شاعىن اۋدانىندا ورنالاسقان, بۇرىن اتاۋى بولماعان كوشەنىڭ ۇزىندىعى – 1,7 شاقىرىم. وبلىس اكىمى ءباسپاسوز قىزمەتىنىڭ مالىمەتىنشە, تالدىقورعاندا حالىق قاھارمانى اتاعىنا يە ادامعا بەرىلىپ وتىرعان العاشقى كوشە سانالادى.
ء«ىس-شارا – سوعىس ارداگەرلەرىنە, تىل ەڭبەككەرلەرىنە, بەيبىت ءومىر سىيلاعان بارشا اعا بۋىنعا حالىقتىڭ كورسەتكەن ۇلكەن قۇرمەتى دەپ بىلەمىن. ساعادات قوجاحمەت ۇلى – ەرجۇرەك جاۋىنگەر عانا ەمەس, قازاقستان قارۋلى كۇشتەرىنىڭ تىزگىنىن ۇستاعان مەملەكەت قايراتكەرى. ول تاۋەلسىزدىكتىڭ العاشقى جىلدارىندا ارميانىڭ نەگىزىن قالاۋعا بار كۇش-جىگەرىن جۇمساپ, ولشەۋسىز ۇلەس قوستى. وسىنداي ءبىرتۋار تۇلعانىڭ اسكەري مۇراسىن زەردەلەۋ, ونەگەلى ءومىرىن ۇرپاققا ناسيحاتتاۋ – ءبىزدىڭ ورتاق پارىزىمىز», دەدى وبلىس اكىمى بەيبىت يساباەۆ.
جەتىسۋ وبلىسى
