قاللەكي تەاترى حالىق اسپاپتار ءانسامبلىنىڭ مۇشەسى, دومبىراشى الىبەك قايىربەك - قاسيەتتى دومبىرانى الەمنىڭ ەڭ بيىك نۇكتەلەرىندە كۇمبىرلەتىپ جۇرگەن ونەر يەسى. بۇل جولى ول ايلەند پيك شىڭىنىڭ باسىندا قازاقتىڭ ۇلى كومپوزيتورى نۇرعيسا تىلەنديەۆتىڭ 100 جىلدىعىنا وراي كۇي ورىنداپ, ۇلتتىق ونەردى بيىككە كوتەردى. بۇل ورىنداۋ تەاتردىڭ حالىق اسپاپتار ءانسامبلىنىڭ كوركەمدىك جەتەكشىسى, مارقۇم مارالجان مىرزاقۇلوۆاعا ارنالدى.
ەكسپەديتسيا حالىقارالىق «الەم شىڭدارىنداعى دومبىرا» جوباسى اياسىندا ءوتتى. بۇل جوبانىڭ نەگىزىن قالاعان الىبەك: «قازاق كۇيىنىڭ ءۇنىن الەمنىڭ ەڭ بيىك نۇكتەلەرىنە جەتكىزۋ باستى ماقسات» - دەيدى.
ساپار بارىسىندا الىبەك كالا پاتتار شىڭىنا (5644 م) كوتەرىلدى. سونىمەن قاتار, كحۋمبۋ ءوڭىرىنىڭ اۋىلدارىندا شاعىن كونتسەرتتەر بەرىپ, قازاقتىڭ قاسيەتتى دومبىراسىن جەرگىلىكتى حالىققا تانىستىردى.
