فوتو: اقوردا
مارتەبەلى مەيماندار قارجى ورتالىعىنىڭ جەتىستىكتەرىمەن تانىستى. سونداي-اق احقو سوتى, قارجى قىزمەتىن رەتتەۋ كوميتەتى, بيرجا جانە حالىقارالىق تورەلىك ورتالىعىنىڭ ەرەكشەلىكتەرى كورسەتىلدى.
احقو باسقارۋشىسى رەنات بەكتۇروۆ قازاقستان پرەزيدەنتى مەن ابۋ ءدابيدىڭ تاق مۇراگەرىنە ينۆەستيتسيالىق ىنتىماقتاستىقتى دامىتۋ مۇمكىندىكتەرى جونىندە مالىمەت بەردى.
بۇگىنگى تاڭدا بىرىككەن اراب امىرلىكتەرىنىڭ 46 كومپانياسى احقو رەزيدەنتى رەتىندە تىركەلگەن. ولار قارجى جانە ساقتاندىرۋ, اقپاراتتىق-كوممۋنيكاتسيالىق تەحنولوگيا, ساۋدا, كولىك, وڭدەۋ جانە تاۋ-كەن ونەركاسىبى سەكىلدى ءتۇرلى سالادا قىزمەت ەتەدى.
بۇدان بولەك, قازاقستان مەن ءباا كاپيتال نارىعى اراسىندا بايلانىس نىعايىپ كەلەدى. ماسەلەن, بيىل 7 مامىردا Nasdaq Dubai جانە Astana International Exchange (AIX) بيرجالارى ورتالىق دەپوزيتاريلەرىنىڭ اراسىندا تىكەلەي بايلانىس ورناعانىن جاريالادى. بىلتىر AIX ابۋ دابي بيرجاسى (ADX) قۇرعان Tabadul تسيفرلىق بيرجا حابىنا قوسىلدى.
