«AMANAT» پارتياسى الماتى وبلىستىق فيليالى جانىنداعى پارتيالىق باقىلاۋ كوميسسياسى قاراساي اۋدانىنداعى مەكتەپ قۇرىلىسىمەن تانىستى. كوميسسيا مۇشەلەرى بۇلاقتى جانە المالىباق اۋىلدارىندا سالىنىپ جاتقان جاڭا ءبىلىم وشاقتارىنىڭ قۇرىلىس بارىسىن تەكسەردى.
«قاراساي اۋدانىندا ءۇش اۋىسىمدى ءبىلىم بەرۋ ماسەلەسى كەزەڭ-كەزەڭىمەن شەشىلىپ كەلەدى. ەكى جىل بۇرىن مۇندا 12 مەكتەپ ءۇش اۋىسىمدا جۇمىس ىستەسە, بۇگىنگى تاڭدا بۇل كورسەتكىش التى ەسە قىسقارىپ, تەك 2 مەكتەپتە عانا ءۇش اۋىسىمدى وقۋ ساقتالعان», – دەدى كوميسسيا توراعاسى امانگەلدى سەمباەۆ.
ونىڭ ايتۋىنشا, بۇگىنگى تاڭدا اۋداندا ءۇش جاڭا مەكتەپتىڭ قۇرىلىسى ءجۇرىپ جاتىر. سونىڭ ءبىرى – بۇلاقتى اۋىلىندا بوي كوتەرىپ جاتقان 900 ورىندىق مەكتەپ. نىسان «جايلى مەكتەپ» ۇلتتىق جوباسى اياسىندا سالىنىپ جاتىر. جوبانىڭ جالپى قۇنى – 9,8 ملرد تەڭگە. قۇرىلىس 2025 جىلدىڭ مامىر ايىندا اياقتالادى دەپ جوسپارلانعان. قازىرگى تاڭدا جۇمىس كولەمىنىڭ 90 پايىزى ورىندالعان.
سونداي-اق المالىباق اۋىلىنداعى 1500 ورىندىق مەكتەپتىڭ قۇرىلىس قارقىنى دا جوعارى. نىسان 2025 جىلدىڭ قازان ايىندا پايدالانۋعا بەرىلەدى. قۇرىلىس جۇمىستارىن «Exclusive Construction» جشس جۇرگىزۋدە. قازىرگى ورىندالۋ كورسەتكىشى – 54 پايىز.
«بۇگىن بۇلاقتى مەن المالىباق اۋىلدارىنداعى مەكتەپ قۇرىلىستارىن قاراپ شىقتىق. جۇمىس كەستەگە ساي ءجۇرىپ جاتىر. مەردىگەرلەرگە باستى تالاپ – ساپا. پارتيالىق باقىلاۋدىڭ ماقساتى – ءار جوبانىڭ ۋاقىتىلى ءارى ساپالى ورىندالۋىن قامتاماسىز ەتۋ», – دەدى «AMANAT» پارتياسى الماتى وبلىستىق فيليالى اتقارۋشى حاتشىسىنىڭ ورىنباسارى اسلان كۋبەنتاەۆ.
بۇدان بولەك, «اسىل ارمان» تۇرعىن ءۇي كەشەنىندە 2000 ورىندىق مەكتەپتىڭ قۇرىلىسى ءجۇرىپ جاتىر. اتالعان ءۇش مەكتەپ ىسكە قوسىلعاندا, اۋدان بويىنشا ءۇش اۋىسىمدى وقىتۋدىڭ تۇيتكىلى تولىق شەشىلەدى دەپ كۇتىلۋدە.
ايتا كەتەيىك, وتكەن جىلى قاراساي اۋدانىندا 7 جاڭا مەكتەپ پايدالانۋعا بەرىلدى. ونىڭ التاۋى – «جايلى مەكتەپ» جوباسى نەگىزىندە سالىنعان نىساندار. ناقتىراق ايتقاندا, بۇل مەكتەپتەر قاسكەلەڭ قالاسىندا, قوشمامبەت, ەلتاي, دولان, كوكوزەك جانە كەمەرتوعان اۋىلدارىندا بوي كوتەردى.
پارتيالىق باقىلاۋ كوميسسياسى قۇرىلىس ساپاسى مەن مەرزىمدىك كەستەنى ۇدايى باقىلاۋدا ۇستايتىنىن اتاپ ءوتتى.
