بيىلعى جىلدىڭ باسىنان بەرى QazIndustry كاسىپورىنداردان تۇسكەن جالپى قۇنى 148,6 ملن تەڭگەنى قۇرايتىن وتىنىمدەردى ماقۇلدادى. بۇل قاراجات تەحنولوگيالىق ۇدەرىستەردى جەتىلدىرۋگە, تسيفرلىق شەشىمدەردى ەنگىزۋگە, قىزمەتكەرلەردىڭ بىلىكتىلىگىن ارتتىرۋعا جانە جاڭا جابدىقتار ساتىپ الۋعا باعىتتالعان. بۇل جونىندە بيزنەستى ىنتالاندىرۋ ديرەكتسياسى حابارلادى.
ءوتىنىم بەرۋ جاعىنان الماتى, استانا جانە شىمكەنت قالالارىنداعى, سونداي-اق پاۆلودار مەن سولتۇستىك قازاقستان وبلىستارىنداعى يندۋستريا وكىلدەرى بەلسەندىلىك تانىتتى. ال سالالار بويىنشا ەڭ كوپ ءوتىنىم ماشينا جاساۋ, اگروونەركاسىپ كەشەنى, مەتاللۋرگيا, جەڭىل جانە فارماتسەۆتيكا ونەركاسىبى مەن قۇرىلىس ماتەريالدارىن شىعاراتىن كاسىپورىنداردان ءتۇستى.
كوپتەگەن كاسىپورىندار بيزنەستى ىنتالاندىرۋ تەتىكتەرىن پايدالانۋعا بەلسەندى كىرىسۋدە. وتكەن جىلى ەلىمىز بويىنشا جالپى 1,2 ميلليارد تەڭگەگە وتىنىمدەر ماقۇلدانعان.
كاسىپورىندار ءوز شىعىندارىن بىرنەشە باعىت بويىنشا وتەي الاتىنىن ەسكە سالعان ءجون. مىسالى, قازاقستاندىق يندۋستريا جانە ەكسپورت ورتالىعى تەحنولوگيالىق جابدىقتى ساتىپ الۋ, ونى ورناتۋ, ىسكە قوسۋ جانە تەحنيكالىق قىزمەت كورسەتۋگە كەتكەن شىعىننىڭ 40%-نا دەيىنىن وتەۋگە كومەكتەسەدى (بىراق جىلىنا 60 ملن تەڭگەدەن اسپايدى). بۇل ەرەجە اۆتوماتتاندىرىلعان باسقارۋ جۇيەلەرىن ەنگىزۋ مەن تسيفرلىق جابدىق ساتىپ الۋ شىعىندارىنا دا قاتىستى.
بۇدان باسقا, كاسىپورىندار قىزمەتكەرلەردىڭ بىلىكتىلىگىن ارتتىرۋعا نەمەسە شەتەلدىك مامانداردى تارتۋعا جۇمسالعان شىعىنداردى وتەي الادى.
مۇنداي ەرەكشە بيزنەستى ىنتالاندىرۋ تەتىكتەرى كاسىپورىندارعا دامۋعا مۇمكىندىك بەرىپ, ءوز ونىمدەرىنىڭ باسەكەگە قابىلەتتىلىگىن ارتتىرۋعا جانە حالىقارالىق نارىقتارعا شىعۋعا جول اشادى.
شىعىنداردى وتەۋ تەتىكتەرىن پايدالانۋ ءۇشىن مىناۋ سايتقا تىركەلىپ, ونلاين ءوتىنىم بەرىپ, قاجەتتى قۇجاتتاردى تاپسىرۋ كەرەك.
اقپارات الۋ ءۇشىن استانا, قابانباي باتىر داڭعىلى, 17, ە بلوگى ء(ار
سەيسەنبى جانە بەيسەنبى) مەكەنجايى بويىنشا QazIndustry كەڭسەسىنە حابارلاسىڭىز.
بايلانىس تەلەفونى: +7 (7172) 79 33 99 (ىشكى 444).
