- قىمباتتى دوستار!
ەرتەڭ ەلىمىزدە انالار كۇنى اتاپ وتىلەدى. بۇل مەرەكە ءبىزدىڭ ەلدە العاش رەت 2023 جىلى ەنگىزىلىپ, سودان بەرى مامىر ايىنىڭ ءار ەكىنشى جەكسەنبىسىندە تويلانىپ كەلەدى.
الەمدە انالار كۇنىن اتاپ ءوتۋ تاريحى 100 جىلدان اسادى. بۇگىندە مەرەكە الەمنىڭ كوپتەگەن ەلدەرىندە رەسمي مارتەبەگە يە جانە مەملەكەتتىك دەڭگەيدە اتالىپ وتەدى.
مەملەكەت باسشىسى قاسىم-جومارت كەمەل ۇلى توقاەۆ ايتقانداي: «شىن مانىندە, ءاربىر ادام ءۇشىن انادان ۇلى, انادان قىمبات ەشكىم جوق. ەڭ قاستەرلى قۇندىلىقتارىمىز "جەر-انا", "وتان-انا" ۇعىمدارىمەن تىعىز بايلانىستى. "اتا ۇلدى, انا ۇلتتى تاربيەلەيدى" دەيدى. بۇل ءسوزدىڭ ايرىقشا ءمان-ماڭىزى بار».
شىنىندا دا, ايەلدەردىڭ قوعامداعى ءرولى سان قىرلى. ولار وتباسىنا, بالالارعا قامقورلىق جاسايدى, جاڭا ۇرپاقتى تاربيەلەيدى, ەلدىڭ قوعامدىق ومىرىنە بەلسەنە قاتىسادى, - دەپ جازدى مينيستر.
ونىڭ سوزىنشە, ۇماي انا, دومالاق انا, رابيا سۇلتان بەگىم, ايعانىم, زەرە, ۇلجان جانە باسقا دا كوپتەگەن قازاقتىڭ ۇلى انالارى – انا ماحابباتى مەن قولداۋى ۇلى تۇلعالاردىڭ مىنەزى مەن تاعدىرىن قالىپتاستىراتىنىنىڭ جارقىن مىسالدارى.
- بيىل ءبىز انالار كۇنىن 11 مامىردا اتاپ وتەمىز. بۇل كۇن – بىزگە ءومىر, سۇيىسپەنشىلىك پەن قامقورلىق سىيلاعان جاندارعا ارنالعان.
انا – جىلۋلىققا, نازىكتىككە, شەكسىز سۇيىسپەنشىلىك پەن قولداۋعا تولى بۇكىل الەم. بۇل كۇن انالارىمىزبەن وتكىزگەن ءاربىر ءساتتىڭ قانشالىقتى قىمبات ەكەنىن ەسكە سالىپ, ولاردى قۇرمەتتەۋدىڭ ماڭىزدىلىعىن ۇعىندىرادى.
شاڭىراقتارىڭىزدا تەك شاتتىق پەن بەرەكە بولسىن! سىزدەرگە زور دەنساۋلىق, مول باقىت, اماندىق تىلەيمىن!
حالىقتى كەڭىنەن حاباردار ەتۋ جانە انالارعا دەگەن سۇيىسپەنشىلىك پەن ريزاشىلىقتارىڭىزدى ءبىلدىرۋ ماقساتىندا الەۋمەتتىك جەلىلەردە #اناعاقۇرمەت حەشتەگىن پايدالانىپ, پوست جازۋدى ۇسىنامىن, - دەلىنگەن جازبادا.
ول ەستافەتانى قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرىنە, مادەنيەت قايراتكەرلەرىنە, باق, ۇەۇ وكىلدەرىنە, قوعام قايراتكەرلەرى مەن بارلىق قازاقستاندىقتارعا جولدادى.
